浮羅交怡之旅(3)

  10月11日(星期一)~下午行程完晒~我地返酒店休息一下 夜少少再集合出去食晚餐~沿路去到Uunderwater World 泊低架車先~不過無打算入去參觀

去左旁邊既ZON Duty Free買酒..準備夜d返酒店 同朋友們一齊出露台..吹住海風~飲下酒傾下計咁呢 7:45pm係Lobby再集合~一齊行出去"美香大飯店"食飯 成個場得1,2檯客~唔係旺季真係好靜好靜場 我點個"椰青"~味道好清淡無椰子香味~同香港飲既一樣 老闆狂推介"瀨尿蝦"(RM15/100g)~價錢好唔抵食仲要唔新鮮 所以就算話買五送一我地都唔食~寧願揀3隻蟹(RM6/100g) 佢再介紹用咖喱or清蒸~不過好唔特別囉~於是問佢有無"甘香" 佢又繼續推介以上2種方法~谷鬼氣咪問佢係咪唔識炒甘香囉 老闆好大反應話"咩唔識呀?"~咁咪得囉~最終要"甘香炒蟹" 好夠入味..但唔夠甘香~蟹係親自去揀的..好夠新鮮 "燒雞翼"
無乜特別..亦唔算整得好味 "燒魔鬼魚"..唔夠乾身~要求再燒多一次
味道一般..一下子忘了叫佢要魚鰭位~所以無乜肉食 "馬拉盞炒通菜"..依個唔錯好夠味 "清炒豆苗"..第一次食依款豆苗~真係好爽脆..好味 其實下午順路入黎睇過下價錢~仲同老闆傾左一陣 佢話如果今晚黎食飯的話~請我地任飲啤酒咁話喎 不過去到叫我地點飲品時~問佢"乜唔係請我地任飲啤酒咩?" 佢話"叫左先~晏d先請"~原本當佢吹水~不過最後送左6罐黎 是日晚餐總消費RM218..整體食物都只係好一般 食完飯就四圍行下~唔係旺季個街都特別靜   行完我地就返酒店~攪掂晒D野開始飲酒lu 係露台好大風又大浪聲~邊飲邊傾到3點先休息呢 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================