8-3-2015 (Sun)中午,同男友行完鯉魚門渡假村後肚餓搵o野食,落筲箕灣好定去赤柱睇埋美利樓?男友話赤柱啦,一場o黎到,而且可順道探埋男友人LKH,可以支持吓佢嘛.啊,好吖.

我o地去到,邊行邊搵o野食,見到有pizza,有西餐廳,再行前啲,呢間有齊pizza同中西餐,咁就呢間.我o地選擇坐出面,睇睇餐牌,樣樣都係$138.00.

我o地諗住買件pizza俾LKH食,

於是叫個pizza,但問問侍應會有幾大件先,侍應答12吋薄批,啊,咁同男友share呢個先.咁叫咩 口味呢?大多數都好大路,但見到有個係拿波里好似幾特別,於是問侍應呢個有咩餡?佢答有鹹魚仔,咁我o地試吓,然後叫兩杯汽水.

Order 完等11分鐘,pizza終於攪掂,

食吓先, 鹹魚仔真係好鹹,但好在佢唔似香港鹹魚咁咁大陣味,而面上o既暖暖o既芝士好軟滑,口感好好,好過Pizza Hut o既.
味道: 5分

當剩返兩件時,我o地諗留唔留俾LKH, 但礙於LKH注意飲食健康,我諗怇唔食鹹魚仔,一係挑走佢,男友話都係唔好.咁我o地食埋佢啦,食完後又覺得唔係幾夠,於是叫多個lunch.

今次要美式漢堡,侍應問我o地要幾成熟?男友答6成,佢o地話得medium同唔記得咩?咁medium啦.再加一個外賣燒雞胸三文治俾LKH.侍應問我燒雞胸三文治想即刻落埋單定等我o地食埋漢堡至落?為保新鮮,等我o地食埋至再落啦.但我就問,我o地其中一杯散叫o既汽水可唔可轉返做跟餐o個杯?侍應答可以,真係好.

等o左好耐,又到o黎喇.都幾巨大o架,

重有炸薯條同田園沙律,男友將個漢堡切開,內裡真係5成熟,

我先食薯條,好熱呀!佢冇乜落鹽,又脆又好食.

然後食漢堡喇,牛肉冇調過味,連鹽都冇落, 係食原味牛肉,o岩o岩可以中和返朝早食o嗽個個超鹹豬柳漢堡,但我覺得加少少黑椒會惹味啲.

配料方面,洋蔥好似煎過龍,腍都唔緊要,但有啲苦.而田園沙律,醋o既份量落得o岩o岩好,又清又正,一口薯條一口沙律菜,食得舒服.
味道: 5分

而中途,侍應提我,由於冇外賣杯,所以燒雞胸三文治o個杯飲品要o係o度飲埋,拎唔到走.啊,唔緊要啦.不過我轉飲凍檸水.

凍檸水到o黎,侍應放低時話己加o左糖水,而呢個係膠杯,只不過冇蓋嗜,飲吓先,唔太甜,但得兩片檸檬唔係好夠,冇乜檸檬味.
味道: 4.7分

由於我見到LKH先生,驚佢唔知行o左去邊,於是我拎埋杯凍檸水去搵佢先,男友等三文治到.

等o左好耐,男友至拎份三文治o黎,一樣係有沙律菜o既,同LKH傾幾句後就同佢道別喇.

呢個食評唔計燒雞胸三文治.

其他:
由於我o地坐o係紅豆帳篷下,所以食物相全部變紅o左.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================