尋日(30-11-2014 Sun)朝11點幾,同男友出尖沙咀前食個晏,先去青山道健康工房,但已經執o左,變o左美食坊,睇吓有冇飯食?有,有咖哩飯,咁入去啦,睇睇價錢,嘩!$48.00,唔係o掛?唔怪得冇客人啦,我o地即走.
咁去翠苑啦,去到,亞姐問幾多位?我答兩位,亞姐就指我o地搭門口o既卡位,今日假期比較多人,原本OK o既,不過男友唔想坐o係風閘底,於是調位,佢去坐張長方枱,o岩o岩拎茶o黎o既亞姐見到,就同男友講唔得,男友就話唔想坐風閘之下.亞姐就指入面話o個張方枱,但男友已經唔高興要走人,因為就算唔得,都唔應該喝佢.
咁我o地又行入兆和街啦,第一間好似係蘭州拉麵o既爆滿,繼續前行,見到呢間食米線o既又冇乜人,就呢間啦.
我o地坐低,男友提我啲o野辣個喎,我問有唔辣o架?我o地諗定o左叫啦,我要$38.00o既鹵水豬頸肉米線,問唯一o既男樓面(應該都係老闆)係味唔辣?佢就即時寸我辣唔辣自己講. 咁我話唔辣.男友要$23.00o既涼拌紅薯粉,加$6.00o既豬軟骨同$5.00o既魚腐.最後我話要杯豆漿,男友都要,即其兩杯,每杯$6.00.
落完單等, 陣,兩杯豆漿到o黎,
之後我o既唔辣鹵水豬頸肉米線到o黎,豬頸肉係另上,睇到份量唔多,
影好相,男友o既涼拌紅薯粉到o黎,但係熱同有湯o既?男友即話佢叫涼拌個喎.個老闆就話你冇話撈喎,如有我會寫’撈’,而且價錢都唔同啦.
男友算數,照接受.我睇返menu,要有個撈字o既米線,就只有男友想叫o個個涼拌紅薯粉,佢係寫涼拌撈米線/紅薯粉.
我都覺得男友冇講錯,因佢o衣o家俾$21.00o既係重慶紅薯粉(有湯),完全冇”涼拌”兩個字,根本冇可能攪錯,根本係個老闆唔專心.
我o地照食,我o既米線粉量唔多,配料o既芽菜就大把,重有酸菜,
米線口感只可以話適中,唔太彈牙,湯就只有酸菜o既酸味,只係中規中矩,而鹵水豬頸肉呢?口感唔係爽口,重要淡茂茂, 鹵水味去o左邊? 蘸佢碟角上o既汁食,唔係辣o既,只係有啲蒜茸味.
而男友o既紅薯粉呢?
我完全冇食過,佢又冇乜comment.
豆漿唔太甜,亦有啲啲豆味.
其後,我o地一路食,o黎o左4個客人坐o係我o地隔離,佢o地都落單,個老闆始終攪唔掂,四人共叫四杯o野飲定三杯o野飲?佢都攪到一團糟;邊杯少甜,邊杯少冰都要攪一大輪.好o勒,客人o既米線到o黎,佢放低時問佢o地o岩唔o岩?其中一個即刻話要紅腸唔係腸仔.佢就拎返去改.
對住四個客佢就識認自己落錯單,對住我同男友就恰,真係離譜.
味道: 1.9分, 抵食: 1.5分
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================