20-9-2014 (Sat)晚女友人WK同LT講我食生日飯,WK重送o左呢o度o既手製朱古力俾我,多謝晒.

但由於o個晚我o地食完飯同甜品後,重行o左陣街,攪到夜o左返屋企亦冇食到,先雪住佢吧.到第二日晚食完飯後,同男友share食.

打開睇,有包冰種,然後係一個好精緻o既粉紅色盒仔,

內裡裝o左六粒朱古力,

WK俾埋張Catalog我,

咁我可以做對照.

對照到喇,左上角o個粒係Catalog內下面數上第三行第一粒o既玫瑰香,呢個真係好重玫瑰花味,朱古力味差啲被蓋晒.

盒中左下係Catalog內上面數落第三行第二粒o既伯爵茶,呢個茶味相對起玫瑰花o既冇咁濃,恰到好處.

盒中左上角好明顯係Catalog中間下方o既綠茶軟心,呢個同綠茶味又比伯爵茶o既冇咁濃.
以上三種我都覺得係軟心o既.

第四粒喇,紅黃色o既亦好明顯係Catalog內下面數上第二行第四粒o既芒果軟心,呢個好似比較差啲,朱古力同芒果味我都食唔到 .

然後到粉紅色錫紙包住o既o個粒,係酒心系列,應該係梅酒,由於我食半粒時向下咬,而且唔敢啜啲酒,怕男友冇酒飲,又驚流晒,所以急急俾男友,我就食唔到太多酒味,男友食完話好哽.

最後係有生日快樂字樣o個個,呢個就要估喇,我咬o左後睇,內裡粉紅色,

味道係士多啤梨o個類,應該係Catalog內左上角o個粒雜錦梅果,呢個有啲粒粒,應該係面o個糖牌o既問題,呢粒係一般o既,.

而朱古力方面,除o左芒果軟心同雜錦梅果外,其他o既都用上唔太甜o既朱古力,呢個就o岩我o地口味.

呢盒朱古力一定唔平,多謝WK o既心意.

味道係2.53分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================