前日(1-10-2014 Wed)a晏晝,同男友o係鹽田仔行完一個圈,返o黎村公所對面o既小攤檔搵o野食,o黎到呢o度,當然係地道茶粿同豆腐花,由於冰凍豆腐花極之搶手,但又想食,於是都買一碗熱o既,要$12.00.之後買茶粿, 茶粿有四色,黑,白,黃,紫.我知道黑,黃,紫係咩味,就問白係咩o野?姐姐答杏仁,啊,咁唔要呢個喇,要其餘三個,三個茶粿共$21.00.
自己將豆腐花加埋糖就返埋位,由於豆腐花係熱,所以留到最後食,先食三色茶粿.
![三色茶粿 - 西貢的鄉誼茶座)]( "三色茶粿")
男友先’界’開紫色o既蕃薯,內裡係芝麻餡,
!['界'開o既蕃薯茶粿 - 西貢的鄉誼茶座)]( "'界'開o既蕃薯茶粿 '界'開o既蕃薯茶粿")
食落,開頭都平平無奇,但食完後,就有蕃薯o既甜,好好味.
然後係黑色o既雞屎藤,男友’界’開佢時,話好難’界’,呢個質地比較實,而餡都係芝麻餡.
!['界'開o既雞屎藤茶粿 - 西貢的鄉誼茶座)]( "'界'開o既雞屎藤茶粿")
食得, 雞屎藤係咩味?食唔出,而成個都唔甜o既.
最後黃色o既係南瓜,呢個個餡就唔同,係紅豆,
!['界'開o既南瓜茶粿 - 西貢的鄉誼茶座)]( "'界'開o既南瓜茶粿 '界'開o既南瓜茶粿")
紅豆餡亦唔太甜,南瓜味好快食得出佢o既甜味,好好食, 食完想買個返去俾爸爸食,可惜係紅豆餡,佢唔食得.
最後到豆腐花,
![豆腐花 - 西貢的鄉誼茶座)]( "豆腐花")
呢個重係微暖,佢質地好滑,可惜豆味唔多夠,而雖然我落o左咁多糖,但都唔夠甜.
味道係3.875分, 抵食係2.5分
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
