0

新加福建菜

愛食 於 2014-07-19 00:00:00 發表  |  累積瀏覽 332

分類:

攻略日期:2014-07-18

是次消費:每人平均約HK$ 277.25

日前男友o既男友人IN因呢晚會被佢老婆同囡囡飛,所以突然約我o地同另一男友人NT (我唔介意呢個原因,反正佢有好o野介紹俾我o地 )o黎佢已食過兩次o既呢間(佢一次係免費試食,一次係自己再o黎食)食晚飯,其實之前佢都send過啲相俾我o地睇,我睇完後,開頭以為係日本菜,睇吓睇吓又變o左中菜,又睇埋甜品,又似西餐,即係咩?上o黎睇,原來係男友家鄉福建菜.

原本係大男孩o既晚飯,無啦啦拉埋我,都o岩o既,我呢個男人婆……

好,講返食,我o地四人各自唔同時間到達,最遠o既我竟然第一個到,由於book o左位,而NT一時又話佢太太o黎,然後又話唔o黎,攪到IN加多一個位然後又冇減返,所以侍應留o左張圓枱俾我o地而唔係四人枱或卡位.

一坐低,侍應即問我要唔要茶?我點頭示意要,佢就斟俾我,話係菊花茶,好飲的.啊.然後另一位侍應問我,餐前水果*要唔要先上我一份?我答好吖.

忙完一輪,我o既餐前水果到o黎.


餐前水果 - 銅鑼灣的莆田)
有四款生果:火龍果,西瓜,紅提子同蜜瓜各兩件,呢幾樣生果中,最差o既係蜜瓜,因為佢未夠熟而唔夠腍同甜.

食完,飲啖菊花茶,完全冇落糖,啖啖甘香又解渴.仍然等佢o地o既時候,就食啲餐前小食先,


餐前小食 - 銅鑼灣的莆田)
有蠶豆,花生同唔知咩o野.先食蠶豆, 蠶豆軟腍腍,有股被煙燻過o既濃郁味道;而花生就截然不同,脆卜卜但冇味,係冇加鹽;再食埋唔知咩o既o野,原來係炸紫菜,呢個出奇地好食,脆就不在話吓,但唔似食咩四洲紫菜咁咁寡.

等呀等, 等呀等;忍呀忍(唔好食晒,要留返俾佢o地),終於都一個跟一個到齊,佢o地食過餐前水果後,我o地就點菜,我o地有個共識,就係試多種類o既好過食同一樣份量多o既o野,亦唔想食食神IN都煮到o既普通o野,同唔想眼闊肚窄冇衣食,又擺滿枱,於是先叫幾樣:

1. $58.00一隻o既冰鎮南日鮑魚要兩隻


冰鎮南日鮑魚 - 銅鑼灣的莆田)
其實一隻唔大隻,我同男友share一隻,我唔蘸辣醬食,一食,食到鮑魚o既鮮味,口感夠爽,肉亦都夠厚,唔錯.男友食o左一啖都話唔使蘸辣醬食.
味道: 5分

2. $52.00o既酥炸蟶乾


酥炸蟶乾 - 銅鑼灣的莆田)
福建特產?點解男友o既家人由鄉下返o黎都唔見有o既?所以我o地要試一試.呢個都幾襟’o趙’,鹹鹹地,送酒一流.下面墊底o既炸米粉幼到有啲似魚絲,又唔油’益’,唔錯.
味道: 4.8分

3. $65.00o既一品醉蚶
落單時,侍應話唔知夠唔夠一碟,要睇睇,最後好彩有.
而多年前同爸爸,男友跟爸爸o既表侄女ZSY o係深圳食過生o既獅蚶,今次都試吓.


一品醉蚶 - 銅鑼灣的莆田)
一食落去,雖然見佢有好多蒜蓉,但仍食到佢o既鮮甜,完全冇蓋過,超好食,好食過o係大陸食.
味道: 5 分

4. $48.00o既原味燜黃瓜魚


原味燜黃瓜魚 - 銅鑼灣的莆田)
IN話唔大條,開頭諗住叫兩條,但基於上述原因,我o地只叫一條 .呢個男友先食,佢一食就大讚鮮甜,呢,我o地都覺得係,魚肉又滑亦唔鯹,唔錯.
味道: 4.8分

5. $38.00o既椒鹽豬手,要四隻


椒鹽豬手 - 銅鑼灣的莆田)
豬手唔大件,男友又率先試食,佢一咬落去,個個都已經知道皮脆,到我o地食喇,個皮真係好脆,內裡只剩骨膠原,


充滿骨膠原o既椒鹽豬手 - 銅鑼灣的莆田)
一啲都唔肥膩,味道係惹味,但略為淡o左啲,因為叫得上椒鹽就應該有返咁上下鹹香.
味道: 4.7分

6. $48.00o既藥膳竹筒蝦兩個


藥膳竹筒蝦 - 銅鑼灣的莆田)
一個竹筒內有兩隻蝦,蝦肉仍爽,湯o既味道就甘甘地,而因為用竹筒裝住,飲到比較清o既效果.
味道: 5分

7. $48.00o既冰浸苦瓜


冰浸苦瓜 - 銅鑼灣的莆田)
翠綠o既苦瓜刨到變半透明o既薄片,蘸奉上o既蜜糖同食,冰涼o既甘同甜味相間,有點玩味,但其實呢個唔使咩廚藝,所以味道分唔計呢個.

食完頭輪再叫:
8. $78.00o既胡瓜烙


胡瓜烙 - 銅鑼灣的莆田)
大大片,但都知係薄片,我o地食唔出咩胡瓜係咩o野?唔通係胡蘆瓜?只食到呢個係蔬菜纖維極高o既中式pizza,要讚o既係仍o地蛋醬唔太多,o岩o岩好粘到蔬菜絲成餅,味道亦清新.
味道: 4.5分

9. $18.00一件o既黃金荷葉包,要四個
IN極力推介之一,呢個黃金荷葉包要自己用刀界開後,將肉絲夾入去食,兩樣o野都熱騰騰,夾好後食.


黃金荷葉包 - 銅鑼灣的莆田)


界開後o既黃金荷葉包 - 銅鑼灣的莆田)


肉絲 - 銅鑼灣的莆田)
個包外脆內軟,肉絲o既醬汁味道又濃,好好食,比上海菜o既叉子重好食.
味道: 5分

10. $68.00細o既莆田扁肉湯(加醋)


莆田扁肉湯(加醋) - 銅鑼灣的莆田)
扁肉做到一粒粒o既餃子咁,食落,內裡全部都係瘦肉,餃子皮似係魚皮,雖然係好普通o既o野,但我食到瘦肉o既鮮,平凡中顯得不平凡,至於個湯,由於已經加o左醋,所以已經酸酸地,我覺得OK o既.
味道: 4分

11. $68.00細o既金湯莧菜


金湯莧菜 - 銅鑼灣的莆田)
上枱後,我嗅到好香,但我o地個感覺就係,金銀蛋莧菜o既變奏版.佢o地將鹹蛋黃加入湯o度淆製,令個湯杰身o左同有有蛋黃濃香,而莧菜就揀圓葉莧菜苗,唔怪得冇紫色.
食落,莧菜當然嫩口冇渣,成個菜o既鹹淡亦適中.男友同IN話蒜頭都幾好食.
味道: 5分

食完後到甜品時間,我o地又研一研究,見到兩個福建特色品分別為兩個同四個上,我o地又可以share食,於是一定要叫,然後各自再叫.

12. 好似$19.00一個o既綠豆紅團,兩個起
外貌紅當當,好有節日喜慶氣氛,我o地要求侍應幫我o地切開,每人食半件,


綠豆紅團 - 銅鑼灣的莆田)
切開o左睇,內裡o既綠豆蓉顏色天然,


綠豆紅團 - 銅鑼灣的莆田)
食吓先.唔甜,係一啲都唔甜,綠豆蓉質地粗糙,冇乜味o既紅色皮開始有啲硬,呢個麻麻.或者,呢個本身係福建o既原味吧.
味道: 1分

13-14. 好似$36.00o既黃金紫薯泥同南瓜露


黃金紫薯泥 - 銅鑼灣的莆田)


南瓜露 - 銅鑼灣的莆田)
呢兩個係IN同NT食,我o地冇試到,但NT話原來紫薯泥唔止係中間o個撮,黃金液體甜品下都有.
而我冇問佢o地覺得好唔好食.

15. 好似又係$36.00o既白果芋泥


白果芋泥 - 銅鑼灣的莆田)
呢個IN提我話係熱o既,不過我照要啦.芋泥質地幼滑,但味道一般,連同白果糖水都係,失望.
味道: 1分

**食完後,男友問點解佢o既薄荷枇杷凍重未到? 原來我 叫o既時候唔記叫呢個.

16. 又好似係$36.00o既黃金京粿4件


黃金京粿 - 銅鑼灣的莆田)
開頭我以為係炸,但原來唔係,係淋o左唔知咩o野o係上面.食落,係好有米味,煙煙韌韌o既糕點,但外面係煎香o左,同埋o個啲原來係焦糖,增加甜味.呢個算係似樣啲o既甜品,亦因為佢至令我滿足.
味道: 4.5分

o係第一轉菜時,我o地研究同試吓枱上o既辣媽辣醬,


辣媽辣醬 - 銅鑼灣的莆田)
我覺得幾辣,不過佢唔係死辣,帶好少好少o既甜,見佢有唔同顏色o既材料就知唔簡單,男友就話似泰式辣醬.IN就話蘸生蝦,正.不過,佢o地都食得辣o既人,只有男友頂得住呢個醬.

*餐前水果係新開張一個月內免費送俾客人,一人一份

服務:
上冰鎮南日鮑魚後,我同男友share 食絕冇難度,但IN同NT share一隻就難啲,於是叫侍應俾把刀佢o地,但叫完只應一應,要再叫另一個至俾到.

食完第一轉熱身菜,講國語o既應該係女經理好似想催我o地走咁問啲o野食o黎齊晒?我o地答係.不過轉頭都叫人攞menu睇.

當大家以為食完第二轉,侍應就收我o地o既餐具,但收o左三份後, 金湯莧菜到o黎,又麻煩佢o地俾多次餐具.

其實啲細o既都好有禮貌同有笑容,就連我去完洗手間返o黎,人來人往,佢o地見阻一阻到客人,都講句唔好意思,其實呢樣我覺得唔使,因為客人唔係大晒.但反而senior就一般般.

其他:
IN其實想食土筍凍,但是日賣晒,而茶呢?NT問有冇大紅袍?侍應答呢晚只有水同菊花茶,我覺得咁樣唔係太好.

價錢: 影張佢o地o既食物相,文上仍o地o既facebook分享,就可以平$50.00,我o地梗係有做,埋單價錢係$1,109.00,比我原本預計每人大約$500.00平.

味道係4.18分


============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong


============================================

鐘意SeeWide的分享,給我們一個Like吧!
  • 攻略日期:2014-07-18
    攻略地點:N/A
  • 攻略時間:N/A
    是次消費:每人平均約HK$ 277.25
0人比"掂"

最多能輸入300字

累積瀏覽 352111

全部攻略 2379

全部回應 3