23-3-2014(Sun)晚同男友由鄉下返到o黎,由於佢要借洗手間用,我o係等佢時諗,不如睇吓有咩o野麵包買俾佢做大前日(24-3-2014 Mon)o既早餐,咁入去睇睇,呢個時候,麵包開始做特價喇,見到有$15.00四個o既迷你芝士軟法包,$15.00八個o既朱古力蛋糕,日式朱古力,日式焦糖同日式雲呢拿,咁後面四樣就每款買兩個,總共$30.00.

咁大前日我就請o左假,男友自然比我早起身,我叫佢可以每樣食剩一個俾我就得,最後係日式焦糖冇食之外,其他都食剩一個俾我.

到我起身食喇,我先食迷你芝士軟法包,

呢個竟然仍然軟熟,唔多而鹹香o既芝士份量o岩o岩好,令成個包鹹淡適宜,好味.

然後到朱古力蛋糕,呢個吸引我買o既係賣相,而上有粒粒朱古碎,食落,成個朱古力味都好夠,雖然口感唔軟熟,但味道取勝.

最後係日式雲呢拿,日式焦糖同日式朱古力,呢三個o既口感介乎上面兩款之間,面有啲乾硬.雲呢拿味香濃,焦糖味道亦濃,朱古力就冇咁濃,比較遜色.

如果唔係隔夜,可能上述全部都會好好食.

抵食係3.75分
題外話/補充資料
我o係俾錢時,一個大約10歲o既男仔大力將店內麵包蓋蓋上,佢媽媽就話收銀望住佢喇,佢,重叫佢同收銀道歉.個男仔行去講:’對唔住姨姨.’佢媽媽就糾正佢叫佢講:’ 對唔住姐姐.’個男友照做,我睇睇個年輕女收銀有咩o野反應.答案係目無表情冇理佢.

看在我眼內,呢個家庭教導得唔錯,但可惜年輕女收銀冇配合到.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================