今日(2-3-2014 Sun)同男友起身後,要去深水埗整o野,想搭巴士,但冇車而且應該又要等半個鍾,所以先去食o野.食咩呢?呢間吧.
我o地坐o係一張大枱,男友揀o左$37.00o既乾炒牛河,加$3.00飲凍檸茶;我要$34.00o既香茅烤牛肉湯檬,唔加錢飲其他o野喇,要豆漿啦.
冇耐香茅烤牛肉湯檬到o黎,睇落好似有好多牛肉,
食得喇,牛肉味道濃同鬆,但冇香茅味,我好似食唔到,至於檬粉,
口感適中,冇乜問題,不過芽菜好似比檬粉多.
男友食啲啲,話幾好食,湯亦都甜甜地.
然後佢o既凍檸茶到o黎,
我冇問佢覺得點.而我o既湯檬都食到大半,佢o既乾炒牛河同我杯豆漿都未到,於是我問亞姐,亞姐答乾炒牛河係耐啲.我問咁豆漿呢?佢就冇出聲,即刻走去斟俾我.
杯豆漿味道唔太淡,OK o既.
而我繼續食,我o地一直留意佢o既開放式廚房,覺得有個亞姐o係o度炒o緊o野,但唔係.繼續留意,佢拎住兩個剷,我估係lu o掛.而o個個亞姐問佢乾炒牛河炒o緊未?我聽唔到佢答咩o野.冇耐,終於到o黎,係由落單後等o左17分鐘.
我o地唔相信乾炒牛河要炒足17分鐘,一係佢o地唔記得炒,一係就如我所見,整晒湯麵類至炒,包括遲過我o地o黎o既客人,叫o既湯麵.
講返碟o野,我嗅到幾香,好似幾有鑊氣咁,我試吓先,河粉都滑同夠味,唔多o既牛肉食到鬆肉口粉味但有啲韌.
服務:
其實都麻麻,除o左上面講追乾炒牛河亂咁耍外,重有就係佢o地俾杯凍檸茶o黎時,成張大圓枱只有我同男友兩人,個後生啲o既放o係我o地對邊就算,大姐,o個邊有人咩?你放o係中間都好啲o掛?離譜.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================