19-1-2014(Sun)朝早同男友起身後去食早餐買餸,我o地行到兆和街睇,富都都full full地,翠華排隊,再行前啲,見到呢間韓國o野都有早餐,而且未full,咁入去啦.

我o地坐低後冇人執o野亦冇俾餐牌我o地,我就叫人俾餐牌,點知個女仔俾只有午餐o既餐牌我=.=”,於是我請佢俾早餐o既餐牌我.睇睇先,我同男友都要$38.00o既韓式早餐A,B餐各一款,餐飲就凍,熱奶茶各一.

落好單後,老闆走o黎同我講A o既韓國人蔘雞粥未有,咁我就轉另一款$27.00港式早餐D o既豬柳漢堡公仔麵,轉蕃茄湯跟餐肉太陽蛋/拌厚切多士).但老闆話冇晒蕃茄湯.啊,冇問題啦.

然後,熱奶茶到o黎

,我加一包糖飲,只有奶味,茶味好淡.之後,另一杯熱奶茶又到o黎.熱奶茶?我o地明明話要一凍一熱,於是同個女仔講,老闆就換返俾我o地.

而我o既豬柳漢堡公仔麵到o黎,

公仔麵煮得o岩o岩好,唔會過腍,豬柳漢堡係來貨,冇問題啦.

而男友o既韓式早餐中o既火腿三文治到o黎,

呢個正常冇乜問題.之後佢o既凍奶茶到o黎.

而我o既跟餐肉太陽蛋/拌厚切多士都到o黎,

但我o地冇為意原來佢冇o左餐肉,男友都已經食o左半份,到我想食時至記起,就問問女侍應係咪冇o左餐肉變o左兩件太陽蛋?佢就答我係.其實我冇話過轉o野,因為我o地未叫o野前已見佢o地好亂,但佢o地要轉都話我知吖嘛,唉!

呢個賣相都OK,半生熟太陽蛋係我同男友都鍾意o既,而厚切多士都烘得o岩o岩好,唔錯.

最後男友o既泡菜牛肉烏冬到o黎,

牛肉係肥牛,都冇問題,

成個烏冬我就冇試,男友話唔會太辣,OK.

食完晒o野,男友至飲佢杯凍奶茶,佢話只係一杯凍水. 我都試試,果然係冇味.

服務:
呢o度人手唔夠,老闆係知道,但佢都好有禮貌,希望你o地盡快請到人解決問題,同埋奶茶真係要改善返.

第一次o黎o既食評: http://www.openrice.com/restaurant/commentdetail.htm?commentid=2313519&tc=sr2&con=rvwer

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================