之前經男友o係美心做o既男友人NT,以員工價購買呢o度o既月餅,到(7-9-2013 Sat)同男友o係葵芳地鐵o既美心西餅攞晒三盒月餅,有:原價$180.00,員工價$172.00o既金腿伍仁月餅,原價$122.00,員工價$115.00冰皮甜品美宴同原價$120.00,員工價$115.00o既冰皮芒莓濃情,咁計其實大約係95折,美心對員工真係”好”.
點知金腿伍仁月餅唔可以o係呢o度攞,要去指定地方攞,咁唯有第二日至攞畀爸爸,我o地先攞其他o個兩盒,職員用兩個保溫袋裝.
返到屋企打開睇,冰皮甜品美宴有楊枝甘露(芒果西柚綠豆, 點解會有綠豆?),栗子,天使脆脆(朱古力脆米),宇治金時(綠茶紅豆蕃薯, 又點解會有蕃薯?),心太軟(軟心朱古力,即係唔係流心啦),魔鬼脆脆(黑朱古力脆米),芒果脆脆(脆米芒果果醬)同曲奇妙趣(朱古力曲奇餅乾)各一個.
冰皮芒莓濃情就有:雜莓,藍莓二重奏(藍莓黑莓雙滋味,藍莓還藍莓,黑莓還黑莓,咁樣可以叫藍莓二重奏咩?),芒果栗子同皇牌芒果各兩個.
第二日晏晝做家務時有啲餓,就問男友食唔食啲o野?佢答好.咁我o地食冰皮月餅啦.先食
1. 心太軟,切開,嘩!一pat pat亦唔係流心,食喇,朱古力味道唔太甜,中間有啲朱古力脆粒,OK o既.但….呢隻有朱古力脆粒,咁同魔鬼脆脆有冇分別?
味道: 3分
2. 即刻開o黎試試,皮面寫o左DEVIL,果然攪鬼,切開後,個樣冇心太軟咁差,起碼重係挺身,食落,朱古力味比較濃,而黑朱古力脆米呢?同o係心太軟入面食到既朱古力脆粒冇分別,有啲被呃一盒有好好多隻味o既感覺,因為重有天使脆脆同曲奇妙脆呢啲同樣脆脆o既朱古力冰皮月餅.
味道: 4分
3. 之後食栗子,切開睇都對版,味道唔太甜,亦OK.
味道: 3.3分
我o地食呢三隻時,都冇照職員講拎出o黎放o係室溫一陣至食,但都已經o岩食.
再下一日o既晚上,男友o黎我屋企食完晚飯後,我又提議食,今次食
4. 楊枝甘露
切開時,冰皮有啲黐刀,切好喇,楊枝甘露好少,食落,芒果味道唔太甜,微苦o既西柚肉味道最突出,而包住楊枝甘露o既係冇乜味o既綠豆蓉.
味道: 3分
5. 天使脆脆
同魔鬼脆脆相反,皮面寫ANGEL,切開時一樣係黐刀,呢個我竟然食唔到朱古力味,只食到同一樣o既o野-朱古力脆粒=.=”.
味道: 0分
第四日,我繼續開o黎食,
6. 曲奇妙趣
切開時,冰皮同餡同樣係黐黐地刀,睇見顏色都唔係深色,見到有深色啲粒粒,應該就係曲奇餅乾吧,食落,成個朱古力味唔太濃,曲奇餅乾就好似食唔到.
味道:1分
7. 宇治金時
切開時有同樣情況,切開後賣相更慘不忍睹,容爛得好緊要 ,佢正中間o既應該係蕃薯,食落,紅豆好腍,唔太甜,而呢三種味道都尚算均勻.
味道: 3分
8. 芒果脆脆
呢個味道對比起o黎當然係酸啲,不過唔係好酸,但芒果果醬味道幾假,亦食唔到咩o野脆脆.
味道: 0.5分
其他:
睇到美心包裝上o既字,用上大陸人叫慣o既巧克力同餅乾用上呢個干字,真係想講,呢o度係香港,唔係大陸.
價錢:
呢篇先計冰皮甜品美宴冰皮月餅,人數係3個.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================