今日(19-9-2013 Thur)中秋節,男友終於唔使晏收工,而由於爸爸返o左鄉下,男友就提議去維園睇花燈應節,但我唔想同人迫,所以唔去.

之後我提議去食朗豪坊o既宮燒肉,男友就先出去攞位,然後我會合佢.但之後佢打畀我話o個間o野full晒,佢就再睇吓去邊o度食.

我搭o緊車出去時,佢call我話一係紅蔥頭,一係近又.我出到去睇,紅蔥頭係普通西餐,近又我o地o係09年同女友人H同佢老公J食過(o個篇食評: http://www.openrice.com/restaurant/commentdetail.htm?commentid=1992804&tc=sr2rvw&con=rvw)不過唔緊要啦,再試啦.

我o地o黎到,只係卡位full晒,坐低後,男友決定先要六款吉列小食,o係等o既時候又攪攪枱上三種醬汁,蘋果沙律同青瓜沙律,質地一樣好稀,而味道…..前者冇蘋果味之餘亦唔好味;後者都一樣係唔好食,但比前者好啲.

而黑豚醬呢?就係好杰身,味道有少少哽.

好,小食到喇,有:

1. $36.00o既吉列松葉蟹二本爪
o黎到時三隻都超細隻,

先唔蘸任何枱上o既醬汁食,都食唔出蟹味;蘸蘋果沙律同青瓜沙律都唔係咁好食.最後同男友share o個半隻食時,蘸黑豚醬食都唔好食.
味道: 0.1分

2. $32.00o既吉列忌廉芝士大蝦
睇到係一隻大蝦分成兩半,

我食尾o個邊,我唔蘸醬食喇,蝦肉係新鮮,亦食到蝦肉味,但咩o野忌廉芝士,我食唔到乜滯,只係食到蝦尾時,至見到有少少芝士,不過男友o個邊就有好多.
味道: 1分

3. $32.00o既辛口芝助特上牛肉漢堡
睇賣相麻麻地,

食落,好辣呀!其實我冇細心睇menu,冷不防就o中左招,呢個辣係咖哩o既辣,而牛肉鬆散,亦食唔到牛肉味,差.
味道: 1分

6. $28.00 o既吉列熊本紫薩摩芋

由於上面o個樣真係好辣,所以我先食呢個解辣,呢個紫蕃薯蓉好甜,好正.
味道: 5分

4. $28.00吉列金澤咖啡手羽先
呢個都係一隻雞翼切成一半,

睇睇中間o個pat淺绿色o既o野好似唔吸引,男友留o左連雞翼尖o個邊畀我食,我一啖咬落去,嘩!!!口感好難頂呀!肥’滕滕’咁,中間o個pat o野係咖哩,雞肉好似係食唔到咁,唔單止冇雞味,而且係少到feel唔到.
味道: 0.5分

5. $36.00o既吉列和風海苔比目魚

男友先食,話啲肉好滑,但好散,而佢有海苔就提升o左香味.我食食先,嘩!口感好怪,佢o既鬆散令我覺得係魚肉份量唔多就加水落去,呢個口感令我有啲難受,味道就係海苔味.
味道: 0.5分

食完呢啲o野又好似唔夠,男友就決定要$148.00o既吉列黑豚自選定食,佢揀o左:

100gm吉列黑豚柳,露筍黑豚小卷,日本南瓜,胡麻番茄同日本越光米飯,最後有根據季節變更o既甜品.

等o左一陣,成個餐到o黎,

除o左上面o既o野外,重有麵豉湯同胡麻豆腐.我o地食喇,先食吉列黑豚柳,

佢好厚身,質地有少少實,味道有啲豬肉腥,亦幾淡,所以要蘸磨好o既芝麻碎撈黑豚醬食,否則就好難入口.

之後飲吓麵豉湯,味道好濃,但其實唔太好飲;而細細件o既胡麻豆腐呢,豆腐好滑,胡麻醬夠香.日本越光米飯就好夠水份同腍.

之後食露筍黑豚小卷,雖然有露筍,但覺得起唔到咩o野作用,同食吉列黑豚柳冇乜分別,一樣要蘸芝麻碎撈黑豚醬食.

而日本南瓜就幾甜.

然後到胡麻番茄,番茄新鮮,不過配胡麻就好似唔太夾.

最後到甜品,拎到o黎冇講係咩o野甜品,要食落至知係乜,原來係咖啡凍配雲呢拿忌廉泡沫,

咖啡凍味甘,但如果再做得硬身啲會更好,而配以唔太甜o既雲呢拿忌廉泡沫又幾好味.男友都讚好食.

所有吉列都炸得脆口o既.

椰菜絲切得好幼,亦雪得幾凍,但有啲乾,一定要加枱上o既沙律汁食,蘋果沙律冇蘋果味之餘亦唔好味.青瓜沙律亦唔好得去邊,只係好似好少少.

而奉上o既茶都有啲玄米香o既.

服務:
唔錯,密密收o野同斟水,亦睇住我o地食完所有o野至自動上甜品.
可惜估唔到呢晚超冷清,唔單止客人少,就連職員都只得3,4個,估唔到對比起以前,佢o地o衣o家差成咁.

味道分係2.56分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================