尋日(8-8-2013 Thur)為女友人TW食生日飯,之前見美孚原來有好多o野食,於是約佢o係美孚,原本想去Mia Pasta Trattoria 食意大利菜,點知打電話book 7:00pm,話full晒,只可以book 8:00pm或9:00pm.咁唔食呢間喇,於是打o黎book呢間,7:00pm冇問題.

我o地都準時o黎到,呢晚都好full, book o左位都係要坐最入o既廁所門口位 .而原來TW之前都o黎過,我o地揀食咩o野時,佢見到一個銀鱈魚配三文魚o既餐,話佢上次食呢個,銀鱈魚唔係真係銀鱈魚,係之前新聞話超市用平價魚充銀鱈魚o個種. 咁過份?呢個餐唔平喎,要$168.00o架.

最後我o地揀o左$288.00o既二人世界套餐,有:

1. 是日頭盤

係燒牛肉沙律吧,因為佢o地冇寫亦冇講係咩o野.

端上o黎時已經嗅到醋酸味,啡色o既醋唔太多,蔬菜新鮮,薄切牛肉都冇够問題.

2. 是日餐湯配法式香草蒜茸包

是日餐湯冇講我o地知係咩o野湯,端上o黎至知係羅宋湯,

呢個酸度o岩我,內裡o既蔬菜都煲得夠腍.

而法式香草蒜茸包呢,都幾多牛油,

雖然佢唔係寫多士,但都有少少脆口.

3. 原隻龍蝦拼豬扒,牛扒,雞扒同龍脷柳其中一樣,我o地揀o左牛扒,要燒汁跟薯菜

點菜時,TW問我要幾多成熟?我話就佢啦.女侍應聽到即刻話冇得揀,set o左7成熟 .咁OK啦.
好快o黎到喇,薯菜o既薯係薯蓉兩球,

牛扒唔係好大件.

我o地share食喇,龍蝦都有返兩隻’拑’(放o係龍蝦肚上),亦都去o左殼,而其他龍蝦肉呢?其實得四舊,直徑大約只有2厘米o既龍蝦肉.

我o地分好後開餐喇,原來件牛扒唔只唔大件,重要又係薄切,呢個夠鬆軟,牛肉鮮味好似唔係好食得出. 龍蝦肉有啲’o鞋’口,薯蓉味道清清的.

4. 卡邦尼魚柳天使麵

呢個都係三選一揀出o黎,其他兩款係松子仁雞肉扁意粉同意式焗肉醬意或飯.
呢個係同上面o個樣一齊到,我o地食o左上面o個樣至食呢完,因為張枱唔係大,我o地亦冇問侍應攞碟分.
呢個份量同樣唔太多,汁都唔係好多,魚柳大概有六件,

食魚柳時,我食到好香蛋味,TW話食到魚味,麵o既軟度適中.

5. 精選甜品
端上o黎見到覺得有啲怪,佢唔係西餅仔或雪糕,而係迷你椰撻,

真係未見過o係西餐廳(唔算係港式西餐廳)中出現,頓時感覺比港式西餐廳甚至茶餐廳更壞.
迷你椰撻唔熱,椰絲唔係好多,TW話好甜,我就覺得甜但唔係太甜.

餐飲我o地就要熱檸水,呢個正常冇問題.

呢餐我覺得有啲地方仍要改善,但TW覺得唔錯就好喇,主要係壽星女滿意嘛.

味道分係3.61分

環境:
都唔差o既,光光猛猛咁.

衛生:
原本覺得好乾淨,就連廁所都係,點知我o地食完後,隔離枱o既人客係咁撥,應該係有蚊滋啦,之後隻蚊滋飛o左過o黎我o地呢邊.

其他:
其實我o係menu上見到英式大拼盤好想叫,但又怕夜晚冇,所以冇問.但之後見到有人order o左,好似好吸引,好想食呀!

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================