大前日(11-8-2013 Sun)晏晝同男友食完Yo Mama後,帶佢o黎食英式拼盤下午茶,但由於o黎到時都未夠2:00pm,亦都幾full吓.

我o地就叫o左今次o黎o既目的~$98.00全日o既英式大拼盤,內裡有豬肉腸,牛仔腸,法蘭克福腸,班尼特蛋,薯餅,同煙肉,餐飲要熱咖啡,另單叫一杯凍檸水.

Order完後,侍應畀o左牛油同士多啤梨果jam各一,

然後我o地o既飲品到o黎,

凍檸水正常冇問題,不過原來要$22.00,我唔記得可以叫佢畀杯水我,或者飲自己帶o黎o既水.

之後大拼盤到o黎,影好相就開動,

我先試班尼特蛋,面上黃色o既o野鹹鹹地,鹹到似芝士味,而食蛋時食到醋o既酸味,我覺得咁樣食蛋麻麻地,而蛋黃呢?我o個隻係有流心,

不過唔及男友o個隻咁多.

而亦熱熱地o既多士呢?我塗上牛油食,佢唔多脆,有啲失望.

然後我塗士多啤梨果jam

到班尼特蛋下面o既鬆餅食,呢隻jam o既味道唔算濃郁,鬆餅開始有少少韌.

到食佢講o既三隻肉腸,講真,我分辦唔到豬肉腸同牛仔腸,我覺得只係有前者同法蘭克福腸L,法蘭克福腸,煙肉同薯餅呢啲味道正常,豬肉腸味道淡淡的,而沙律呢,因為我太飽,所以畀晒男友,我冇食到.

食完呢個英式大拼盤,覺得冇乜驚喜,只因佢賣相吸引.而覺得呢個份量係二人份,餐飲係可以加多一杯.

環境:
唔使多講,因為我同女友人TW o係3日前o黎過(食評: http://www.openrice.com/restaurant/commentdetail.htm?commentid=2313315&con=rvw),唔會點變,只係…..今次我同男友又坐返同一個位. =.=”

衛生:
同樣有隻蚊滋飛o黎飛去.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================