14-7-2013 (Sun)晏晝同男友睇完戲後,返上o黎百佳買佢第二日o既早餐,佢睇勻晒就買o左一個$8.50o既提子合桃鬆餅,$12.50七件唔同口味o既迷你酥,

夾o左三個迷你咖哩雞酥,兩個迷你牛肉酥,迷你三文魚酥,迷你芝士酥,一個$4.50o既法式黑麥餐包.
返到屋企影相先,我拎起法式黑麥餐包,

硬o既,重有啲彈力,我掉到男友個頭,佢話痛痛o地,哈哈.
第二朝男友就食喇,佢先食提子合桃鬆餅,

佢大叫好食.

我又試吓,唔….,一啖咬落去覺得味道太甜,唔好食,但點都要o趙o架,o趙吓o趙吓又幾好食喎,當想食多啖時,已經被男友食晒.
之後我o地都冇再食其他,男友就拎法式黑麥餐包返公司,其餘7個迷你酥

就擺o係低畀我,我話唔好,就只留低兩個迷你咖哩雞酥同一個應該係迷你牛肉酥,其他佢拎返公司.
而o個日我放工返到屋企都冇食,再到下一日放工至食,食o左個迷你咖哩雞酥,味道好濃,有啲辣,隔o左咁多,酥皮腍晒係正常.

然後食迷你牛肉酥,呢個牛肉味道都好濃郁,唔錯.

最後o個個迷你咖哩雞酥就被爸爸食.
然後我問返男友個法式黑麥餐包,佢答真係好硬,硬到要用奶送至食到.
味道分係3.75分, 抵食分係3.67分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================