尋晚(29-3-2013 Fri耶穌受難日)一大班人燒完o野食後,8:45pm左右話走喇,好似係女友人F提議食甜品,佢同女友人CI討論去葵芳定荃灣食,CI就擺我上枱,話如果我都去就去荃灣食.我o地覺得葵芳唔多甜品舖,於是我一口答應.

由於有小朋友要返屋企瞓,同男友人LKL約o左人,所以最後得返7個人一齊食,我o地o黎到荃興徑,我發覺有一間我食過o既執o左(o衣o家o係openrice睇返,係五代同糖),之後見到一間已經爆o左要等位o既,我o地繼續向海霸街行,見到淺草重有位,但女友人F話呢間唔好食.

咁向右轉啦,我話有松記(不過我心諗,唔好食呢間啦,又貴又一般),又有月頭同男友食過o既主打西式甜品o既明師傅,但佢o地見多人,而且我話呢間友記係好耐,而友記仍有位,CI就造 咁呢間啦.

OK,我o地7個人坐出面,各人叫自己o既甜品食,我要$24.00o既朱古力布甸,女友人WK要$29.00o既南山風情綿綿冰,女友人F要好似$29.00o既楊枝甘露,女友人S要好似$25.00o既唔知咩o野芒果西米露之類o既o野,女友人W同男友人CL都揀o左$33.00o既熱o既椰子燉品系列,我唔記得W要咩喇,CL o既料就好似係雪耳同雪梨,而女友人CI就最揀凍o既椰子燉品,$33.00o既咩o野湯丸西米露.

我落單時,個男友問我要咩o野雪糕?我答雲呢拿,佢話要睇睇有冇.我心諗,咁普通o既雪糕唔會冇呀?佢返出o黎答有.

好,所有o野到齊,

女友人F未食已經話楊枝甘露好差,冇乜西柚肉,又稀,女友人S都撈一撈佢o既甜品,話係喎,佢o既都多過F o既.

然後我食我o既,個雪糕球好大個,重有畫個笑樣,不過倒轉o既=.=”,而朱古力布甸細細個,朱古力味唔太濃亦唔太甜,混埋雪糕食OK o既.

燉品系列呢,佢o地應該覺得對辦吧.而WK o既南山風情綿綿冰呢,由於CI要求試食一啖,佢就個個都畀啲,唔….幾甘,可能南山咖啡係咁o既味o掛.

最後CI o既甜品都到o黎,內有三粒湯丸,係芝麻味,佢又冇畀comment,我諗OK啦.

價錢:
我o地埋單時,大家都各自各畀自己o既,夾齊後共$212.00,由於人多,CI就做代表畀,其他o既就行去冇咁多人o既地方等.點知等好耐,佢走o黎話畀少o左喎,我o地睇返之後寫o左價錢o既單,我搵唔到$24.00,取而代之o既係$30.00.咩o野$30.00呀?我就同佢o地行返去睇menu,發現原來隔離有個雪糕朱古力布甸係$30.00.=.=”係個男仔攪錯o左,以為我叫雪糕朱古力布甸,其實我班friends都聽到我係叫朱古力布甸,冇講過雪糕,不過唔食都食o左,照補返$6.00啦.

早知$6.00買個咁普通o既雪糕球,我就揀特別味道啦,而且班friends都攪笑話,唔怪得個畫o左個笑臉o係雪糕上面,代表佢o地賺多幾蚊.我就話唔又怪得係倒轉,寓意我會畀得唔開心.老實講,$24.00咁細個布甸已經唔抵,重要畀多$6.00買個我冇諗話要o既雪糕球,係有啲唔甘心囉.

服務:
除o左上述事件外,妹妹佢o既態度都好一般,開頭見我o地咁多人,就好殷勤咁招呼我o地,但女友人CI o係menu裡面搵唔到燉品系列問問佢時,佢就有啲唔耐煩答同幫佢揭.

味道分係2.57分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================