今(17-3-2013 Sun) 朝同男友起身又去食早餐,佢幾趕時間,就o黎呢間,亦由佢發版買咩o野食.
佢買完後拎到o黎睇,兩個餐都各有一杯汽水三至四個餸,餸o既份量都好少,而其中一份有公仔麵,影好相食先.
![餐蛋牛麵,美年達加 - 荃灣的吉野家)]( "餐蛋牛麵,美年達加")
![芝菇蛋+牛+腸+煙,百事 - 荃灣的吉野家)]( "芝菇蛋+牛+腸+煙,百事")
我o地每人每份食一半交換,牛肉就唔使啦,o個個芝士粉o既磨菇少多應該係我之前中過招o個個. http://www.openrice.com/restaurant/commentdetail.htm?commentid=2203177 同上次相比,牛肉份量好少,而所有o野味道都淡淡的,炒蛋都係算嫩,但幾片磨菇又係好少.
而男友o個份呢,我見到炒蛋唔同,有啲紫菜絲,食落,一樣冇乜味.而公仔麵呢,都有啲良心地畀返包麻油我o地,公仔麵都淥到o岩o岩好o既.
而o衣o家睇返張單,原來一個係$22.50o既芝菇蛋+牛+腸+煙早餐,百事要加$2.00.另一個係$26.50o既餐蛋牛麵,美年達加$2.00.
服務:
只有一個亞執o野都算,最重要係佢好粗魯,我坐o係長椅等男友,對住我個o既凳係移得開o個種,但唔推開佢係會頂住我對腳,而且呢個會係留畀我男友坐,我將推出啲應該冇乜問題.
個亞姐o黎執o野時,大力咁將張凳推入o黎,撞到我膝蓋,我唔出聲,佢走o左後我就推返出去.點知佢行過時又將張凳推返埋o黎,又再撞多我一次,我真係好嬲.如果公司要你將啲凳推返入啲係冇問題,但可唔可以唔好將有人坐o係對面o個啲凳推埋?
即使呢個亞姐o係行o黎行去見到客人時都講句歡迎光臨都好,我都係要將服務扣分.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
