23-10-2012(Tue)重陽節假期,咁o岩又係男友例假,爸爸呢日又自己去睇大哥,咁我同男友出街行啦.

我o地先食個lunch,求求祈祈咁o黎到呢度,由於我o地o係屋企食o左好多立雜o野,所以唔係咁肚餓,我睇見有$45.00o既皇者至尊三色焗飯,就叫呢個同飲熱奶茶.然後叫男友揀一個烏冬share食,佢就揀o左$36.00o既蕃茄海鮮湯烏冬,加$3.00飲凍奶茶.

我o地等o左一陣,烏冬餐有齊,

我先試凍奶茶,呢個味道雖然淡,但味道均勻.而烏冬呢,我覺得腍o左啲,蕃茄湯味道就濃,海鮮有蝦,青口,帶子同小墨魚,呢啲都算新鮮.

而我o既皇者至尊三色焗飯呢,等o左10多分鐘至有,不過都正常o既.

我先飲吓熱奶茶,

點解同樣係奶茶,但冷熱會有咁大分別?熱o既冇咁好飲,

而焗飯有龍蝦湯魚柳,白汁海鮮同茄汁牛肋粒三樣,呢個一睇就睇到有別於其他焗飯,除o左用個大圓盤外,

就係有好多汁,食吓先,估唔到汁多之餘連飯o既水份都有咁多,攪到啲飯好爛,白汁味道鹹o左啲啲,但蜆肉唔夠味,唔怪得白汁要整咁鹹.龍蝦湯味道唔錯,魚柳一般啦.而牛肋粒就好乾同’o鞋’,我覺得麻麻,不過男友話都食到有牛肉味.

整體覺得水份少返啲會更加好.

其他:

呢o度要自己拎餐,男友拎o黎時話個托盤軟o左啲,好驚啲o野會跌,好危險.

味道係3.43分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================