22-5-2012 (Tue)o係公司忙到冇停手,又唔想OT令今日休假o既男友一個人o係屋企,就決定準時放工,第二日盡地一O.

灰灰咁返到屋企,男友話佢買o左西餅返o黎請我食,我即刻話早知佢用餅咭去攞啦.我問佢o係邊間買?佢答A1.A1又貴又唔好食,佢冇睇我之前o係o度寫o既食評.

不過都要食o架啦,o係雪櫃攞出o黎,個盒好grand,

打開睇睇,原來佢買o左4件,

得3個人,使唔使咁多?佢話其中一件做特價.

睇睇張單,原來佢買o左黑森林,抺茶栗子森林,紅莓芒果慕絲蛋糕同Open Cake, Open Cake就係做特價o個件,應該係Tiramisu.

由於爸爸唔食得栗子,所以抺茶栗子森林就由我同男友食,男友揀最普通o個件紅莓慕絲蛋糕o黎食,點解佢最普通?因為男友買o既時候係同職員講要紅莓芒果慕絲蛋糕,但睇實物就知唔係,只係一件普通o既紅莓慕絲蛋糕,好明顯係職員拎錯但單就照打,好彩價錢一樣啫.

好,就咁決定.我同男友share食呢兩件.先食紅莓慕絲蛋糕,

一食到紅莓慕絲,覺得微酸,如果呢個畀爸爸食,佢實話酸.之後食食吓又覺得OK喎,蛋糕鬆軟,食到好香蛋味,味道豐富,今次呢個唔錯.
味道: 4分

之後食抺茶栗子森林,

栗子忌廉佔8成,好細滑,綠茶蛋糕較遜色,幾乎食唔到綠茶味.o衣o家睇返前年o既食評 http://www.openrice.com/restaurant/commentdetail.htm?commentid=2138668,o個時我都係食呢個,不過今次好食好多喎.
味道: 4分

其餘兩件就因為個個都飽都未食,留返第二日食.男友就o係第二朝每樣食半件,話晒係佢買返o黎,而且其實佢想食啲有特色o既切餅呢.

到夜晚我放工返到屋企,就叫爸爸食埋佢,因為佢都有份食o既,佢就先食半件Tiramisu,

食完佢話覺得好漏,另一件都重未食.

而到尋晚我放工返到屋企,見到最後o個半件黑森林唔見o左,

爸爸終於食埋喇,我亦問佢覺得好唔好食?點知佢答我唔好食.

之後都有機會問返男友覺得Tiramisu同黑森林點?佢答都係正常o野啦,面o個粒唔係藥水車厘子但唔知係乜o既o野比較好食,而之前同我食o個兩件唔太甜,餅係普通o野但賣相靚.

唔知total幾錢,因為男友怕我會話佢,所以將張單剪走o左價錢,留返店名同西餅o既名,我估每都要$28.00.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================