尋日(13-12-2011 Tue)放工後出尖沙咀會合男友睇燈飾,睇完就行o黎呢o度食新出o既蜂麥炸雞,男友發板買o野食,佢買o左:

1. $36.80蜂麥炸雞餐,有兩件炸雞,一杯汽水同一個蘑菇醬薯蓉
我先試呢隻蜂麥炸雞,一咬件雞下髀,燕麥就掉晒落o黎,的確係脆,而味道有足夠o既蜜糖甜味,不過點解會有啲辣o既?到男友食o既時候,睇到雞皮位被染紅,即係係有落辣汁,呢個o係廣告中冇講過喎.而佢內裡仍有肉汁,雞肉仍滑而且暖暖的,唔錯.

而蘑菇醬薯蓉呢,蘑菇醬又係有啲辣,係黑椒落得太重手吧,薯蓉味道都正常,冇問題.

汽水呢?我揀o左百事可樂,呢個飲到一半左右已經變得好淡,冰就重有好多.

2. $3.X.XXo既唔知咩o野惹味燒雞餐,同樣有兩件雞,一杯汽水同一個蘑菇醬薯蓉
呢個唔知咩o野惹味燒雞,今次我食件雞胸,開頭覺得佢係辣o既,點知原來唔係,係甜甜地類似蜜汁,呢個個皮同樣燒得夠脆,一樣內裡仍有肉汁,雞肉仍滑而且暖暖的.而呢件原來唔係雞胸,係雞膇連雞胸位,都幾好.

3. 加$5.00朱古力軟心葡撻
呢個又係攪攪新意思之作,面上見到有啲朱古力粒,我先勺o黎睇睇,

朱古力軟心唔係好多,食吓先,由於有蛋漿o既關係,所以濃濃o既朱古力軟心變得有啲苦,

蛋漿味道唔太甜但滑,酥皮香脆,我就覺得有朱古力就麻麻,不過男友話幾得意幾好食.

4. 唔知幾錢o既巴辣雞粒

呢個只係傳統o既厚厚脆漿炸雞,只不過冇骨同細細粒,方便食用,原來呢個唔係辣同冇乜味,雞肉同上面兩款有好大分別,就係乾,冇肉汁,要蘸茄汁食.

食齊呢三種雞,我更加唔鍾意食佢傳統o既厚厚脆漿炸雞.

5. 又係唔知幾錢o既朱古力布朗尼蛋糕

呢個聖誕至有,細細件正立方體o既朱古力蛋糕,原來係暖笠笠,唔怪得要用有蓋o既紙杯裝住,呢個蛋糕外面好脆口,但內裡唔軟熟,男友話應該焗過龍,不過裏面都有點點朱古力漿,有微微濕笠笠o既感覺,而味道就唔太甜.

環境:
都幾闊落舒適,不過音樂開得太大聲,好嘈.

衛生:
感覺乾淨過油麻地o個間.

呢餐好似$82.50,味道係3.43分,我畀o個兩隻雞件o既分係5分,同朱古力軟心葡撻係4分.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================