尋日(21-12-2011 Wed)老闆娘EW又買切餅請我o地食,佢返o黎前都打電話畀我o地叫我o地自己揀,我揀o左士多啤梨芒果夾心,其他同事有揀士多啤梨同tiramisu.
![左起:tiramisu,士多啤梨芒果夾心同士多啤梨 - 青衣的Italian Tomato)]( "左起:tiramisu,士多啤梨芒果夾心同士多啤梨 左起:tiramisu,士多啤梨芒果夾心同士多啤梨")
返到o黎,到3:30pm左右就開餐喇,睇吓我o個件,中間真係有一層芒果夾心,不過點解蛋糕係朱古力o既EW話呢隻係新出o既.
![包到實一實o既士多啤梨芒果夾心 - 青衣的Italian Tomato)]( "包到實一實o既士多啤梨芒果夾心 包到實一實o既士多啤梨芒果夾心")
![士多啤梨芒果夾心背面 - 青衣的Italian Tomato)]( "士多啤梨芒果夾心背面 士多啤梨芒果夾心背面")
![士多啤梨芒果夾心close up - 青衣的Italian Tomato)]( "士多啤梨芒果夾心close up 士多啤梨芒果夾心close up")
好,開始食啦,面上厚厚o既都幾細滑,朱古力蛋糕層都算鬆軟,o係食o既時候我想用叉一叉三層o野一齊食,點知係唔得o既,因為…朱古力蛋糕下面有層酥餅,
![士多啤梨芒果夾心o個層酥餅 - 青衣的Italian Tomato)]( "士多啤梨芒果夾心o個層酥餅 士多啤梨芒果夾心o個層酥餅")
用叉係拮唔開,我要用手拎o黎食,食完後就係芒果忌廉同大大片芒果肉,
![食完酥餅後就o既芒果忌廉同大大片芒果肉 - 青衣的Italian Tomato)]( "食完酥餅後就o既芒果忌廉同大大片芒果肉 食完酥餅後就o既芒果忌廉同大大片芒果肉")
芒果肉味道唔太濃同有啲渣,食完呢層就食返最後一層o既朱古力蛋糕.呢件切餅成件無論係邊層,味道都係淡淡地,唔太甜o既.
多謝老闆娘EW o既心意,希望來年經濟轉好,公司生意額向上回升.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
