6月份,以$68.00經G字頭o既團購公司購買龍島$98.00o既一罐o既杏仁粟米朱古力同一罐$39.00世界首創勁酸朱古力(自選水果味道)共四張,三張換畀自己屋企人,一張換畀男友家人.

男友為佢家人o係28-7-2011(Thur)換o左黑加侖子味o既勁酸朱古力,男友話成盒只係好似煙盒咁細盒,

而佢放棄拎畀佢家人,咁佢就獨吞.

但都畀我試吓先,打開包裝,

嗅到黑加侖子味,佢外型幾靚,

試吓先.面頭o個層真係幾酸,之後到薄薄一層o既黑朱古力,黑朱古力唔甜,最後到黑加侖子味軟糖,軟糖亦唔甜.男友食一粒話好難食,怪怪.

而我就覺得好攪鬼,不過接受唔到酸味,就一放入口即刻咬同o趙,咁就冇咁受罪.

而杏仁粟米朱古力呢,好大粒,每粒都有爆谷包住原粒杏仁,面o個層黑朱古力唔厚,

攪到其實成粒朱古力多數係食甜爆谷,我覺得咁樣就一般.

到5-8-2011(Fri),我趁同女友人TW出尖沙咀食晚飯,就換埋其餘三套畀自己同屋企人.我幫佢o地揀埋只有荔枝,柚子同同樣係黑加侖子三種味道.

黑加侖子味o個套就有一日拎o左去大哥屋企畀o左佢.

到15-8-2011(Mon)同家人食晚飯時,就將荔枝o個套畀侄女,

點知侄女食唔到酸朱古力,重吐埋,佢唔拎走o架喇,咁我就多o左一罐荔枝味.

我試吓,荔枝味感覺好似夾啲清啲,比黑加侖子味好,因黑加侖子味濃.

最後o係23-8-2011(Tue),我終於忍唔住開埋柚子味o個罐,

外面味道都係一樣啦,不過粒糖就食唔到柚子味乜濟,都係麻麻.

總括而言,呢隻勁酸朱古力都唔係咁多人接受到.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================