前日(15-6-2011 Wed)朝同男友起身後,佢陪我出街食早餐,到巴士站o岩o岩有巴士,唔理三七廿一上o左車落荃灣至算.

到荃灣問男友去邊間食,佢答呢間.啊.

o黎到有好多位,睇完menu我就要$24.00o既牛肉漢堡,配煎雙蛋,粟米粒同牛油方包,要凍好立克少甜.

男友就要$25.00o既牛扒,配煎雙蛋,粟米粒,牛油方包同火腿公仔麵,要凍檸茶少甜.

叫齊晒,等o左好耐,男友o既餐全部到齊,

size o係呢o度o黎講係正常,而我o既餐呢?又好耐都未到喎,之後兩杯o野飲至到,

再等呀等,我o既餐終於到o黎,

都唔知攪乜,我個餐冇麵呢啲要煮o既o野,都可以耐過我男友o個份,足足等o左7分鐘.

而睇見我o既牛肉漢堡就細件到難以想像,平$1.00已經少o左粉麵呢啲,係咪有點兒那個呢?

而我記得餐牌中寫住牛肉漢堡內有煙肉粒,我試吓先,食唔到喎,只食到啲洋蔥粒,我就冇乜所謂,因為我都唔多鍾意食煙肉,但咁寫明而冇就唔係幾好啦.

我試o左一啖男友o既牛扒,呢個OK o既,因為重有點點牛肉味.

而細粒又少o既粟米唔夠甜;我o既煎雙蛋一隻全熟一隻半生熟,畀我o既感覺係馬虎;牛油方包呢,我可以食到連o係低級少少o既茶餐廳都食唔到o既乾硬方包,擺到明呢啲已經放o係餐廳多日,唔新鮮o既方包.

最後杯少甜o既凍好立克,味道就o岩o岩好,係o岩o岩好o既甜,未屬於我要少甜o既程度.

衛生:
男友食到剩返方包同粟米時,有隻幾大o既蚊滋降落o左去佢o既方包o度.

價錢混亂係我落o左單後,女侍應話凍飲加$3.00,而凍飲o黎到時,我見咁細杯就覺得好唔抵啦,加$3.00我重叫少甜,佢o地o既cost重相對地少o左添.

但我o地食完後埋單,我問男友呢餐幾錢?佢話佢畀$100.00找返$46.00,即係$53.00.我左計右計,都計唔到$53.00出o黎,唔通見我o地飲品叫少甜就自動減$1.00?

講真,o係好啲o既餐廳食個$27.00o既早餐都可以,但咁o既質素真係唔得囉.

味道係2.58分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================