尋(5-4-2011 Tue清明節)朝同男友完早餐後.去買個 / 件芝士蛋糕拜媽媽啦,因為佢生前要戒口,o衣o家人都死o左咯,咩o野都食得啦.

同男友一邊向荃灣地鐵站行一邊搵,佢記得之前有一間o既o係街市附近o既切餅好好食,佢想搵返o個間,我帶佢行到街市街睇,佢話唔係呢間,唔係呢間?重有邊間?我記得喇,係http://www.openrice.com/restaurant/sr2.htm?shopid=30987呢間,個女仔態度嘛嘛,但執o左啦.唉!

於是我o地再搵,行上地鐵站,睇美心,行入綠楊坊睇東海堂,聖安娜.東海堂o既都諗得過,不過睇埋凱施先,凱施有好多種類o既芝士蛋糕,又唔太大個,價錢亦相宜,原本我想揀花紋幾靚o既雙重芝士蛋糕,但男友覺得同樣$78.00o既呢個白羊座意大利芝士蛋糕個樣靚啲,於是買呢個.

祭祀完後,放返入雪櫃,諗住晚飯後同爸爸一齊食,點知佢唔返o黎,而且到傍晚我又有啲餓,就自己切啲o黎食先.

一切落去,表面出現乾裂紋,但由於有彈性,所以切好後一切回復正常.

呢個個底係普通蛋糕底,食落,上面o個層芝士蛋糕口感唔似其他o個啲實實地,但又唔係蛋糕咁鬆軟,有啲似棉花糖咁,芝士味唔太濃但仍食得出.

而我發現成個蛋糕o既中心有啡色o野,

我挑啲啲o黎試,原來係咖啡,咖啡味道都幾苦.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================