今日(24-3-2011 Thur)行經美心,望到有班蘭蛋糕,就用$10.00買件畀未食過o既爸爸食啦,畀錢時,收銀話買兩個$18.00,我話唔使喇.走o左後覺得,唔係喎,有一隻又係咁o既size咁o既packing o既伯爵茶蛋糕,何不試埋呢件?於是返轉頭問可唔可以以特價買多件唔同o既?收銀問o左上司,上司答可以.真係唔好意思,亦唔該晒.
![班蘭蛋糕同伯爵茶蛋糕 - 荃灣的美心西餅)]( "班蘭蛋糕同伯爵茶蛋糕 班蘭蛋糕同伯爵茶蛋糕")
返到屋企,有啲肚餓,我先試吓啡色o既伯爵茶蛋糕,
![未食o既伯爵茶蛋糕 - 荃灣的美心西餅)]( "未食o既伯爵茶蛋糕 未食o既伯爵茶蛋糕")
打開嗅嗅,好大陣茶味,嗯,試吓先,味道淡淡的,冇乜味,佢有好多粒粒黑色o野,係咪茶葉o黎呢?呢個真係遜色o左.
![食o緊o既伯爵茶蛋糕 - 荃灣的美心西餅)]( "食o緊o既伯爵茶蛋糕 食o緊o既伯爵茶蛋糕")
味道: 2.3分
之後都食一啖班蘭蛋糕,
![班蘭蛋糕 - 荃灣的美心西餅)]( "班蘭蛋糕 班蘭蛋糕")
感覺完全唔同,食落味道出好多好搶,下次都係買返班蘭蛋糕.
味道: 4分
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
