7-4-2010(Wed)返新工冇帶飯,問女同事借menu,左睇右睇都係揀o左呢間,我叫o左$27.00 o既菠蘿雞粒炒飯要湯,到食飯時間送到o黎,送o黎o既女仔係啞o既,畀我覺得呢間食堂都唔錯,唔歧視傷殘人士.
我返埋位食喇,睇吓係咩湯時,有係節瓜糍實湯,糍實好腍,湯清清地,唔錯.
而菠蘿雞粒炒飯呢,菠蘿唔太多,成個飯味道唔太出,連菠蘿o既甜酸味都冇.
味道: 2.25分
到15-4-2010(Thur)又冇飯帶,我同女同事CC一齊叫呢間,CC話呢間幾準時送飯,咁我要$27.00o既廈門炒米,又係要湯,CC就要$30.00o既菠蘿咕嚕肉飯,飲熱檸茶.
但過o左我o地食飯時間15分鐘都未送o黎,CC打電話去催,話已經出o左去,可能落雨啦.再過o左15分鐘重未送o黎,我又打電話去催.再等多幾分鐘至送到o黎.就算落雨都冇理由遲成半個鐘o掛?而且我o地又近.
開餐喇,我o既廈門炒米有好多,成個飯盒滿滿o既,材料有火腿絲,洋蔥絲,味菜,蝦仁同少少o既韭黃.食落,微甜o既,米粉軟硬度適中,OK啦.而湯係菜乾湯,淡淡o既菜乾味夾雜一啲薑味,OK.
味道: 2.8分
我見CC o既菠蘿咕嚕肉都幾多,好靚,我冇問佢好唔好食.而另一個盒載o既飯亦多,但其實我o係落單時講o左要少飯,點知都係咁多.
到今日(23-14-2010Fri),我叫o左$27.00o既豉椒排骨炒河,有西洋菜湯.今次準時返,開餐喇.
打開飯盒睇,咦?!河粉冇炒過o既?白雪雪,豉椒排骨又有好多汁浸住,嚴格o黎講呢個唔係粉河.食落,河粉冇味,只有油,豉椒排骨就夠腍,味道一般.
而湯呢,有兩條西洋菜,原本好開心係西洋菜湯,但飲落,嘩!啲味好怪,好難飲呀!我越食越唔開胃,湯飲剩半碗(其實一樣都只有大半碗),河粉又食剩都係唔要.
而到4,5點,我竟然可以被滯住滯到好唔舒服.
味道: 0.2分
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================