(18-1-2010 Mon)放工返到屋企,爸爸唔o係屋企,即係上o左大陸今晚唔返,咁我就要食街外o野,男友被佢公司附近呢間o既三餸飯吸引,o係唔知食咩好o既時候,佢提議o係呢o度買返o黎食,我o地決定要一個兩餸同一個三餸飯,佢講o左好多種餸,我揀o左椒鹽排骨,荷蘭豆炒肉絲同魚香茄子.另外就由佢自己決定.

買到o黎,原來佢要南瓜同雲耳蒸雞,而原來重有湯送添,兩個湯係西洋菜湯.

我o地食喇.椒鹽排骨份量係最少,唔辣同唔太鹹,可能經過一段車程,所以腍o左,我諗如果即食都幾好味.

荷蘭豆炒肉絲係最多,亦係普通o既.而魚香茄子都係咁啦,但就好油,不過外面o野係咁o架啦.

而南瓜相對o黎講係清啲.雲耳蒸雞就黑漆漆,味道唔鹹,我就唔係咁鍾意加豉油蒸o既.

至於西洋菜湯,唔知係咪冇乜調味,好清好清,清到我覺得唔係咁好味.

不過講真,佢價錢又唔係貴($22.00兩餸,$23.00三餸),有咁多餸同一大盒飯,又食得飽,都幾抵o既.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================