今日(26-10-2009 Mon)同男友食完麥當奴冇耐,就出發去睇Openrice送o既’同門’,臨時決定去荃灣廣場睇1:45pm o個場.
換完飛都已經1:22pm,剩返23分鐘,要快啲搵o野食喇,行o黎呢o度,睇吓menu,有便當,男友就決定要個便當,佢叫o左個$45.00o既照燒雞扒冷麵餐,唔清楚加幾錢有杯特飲,男友揀o左臻子咖啡沙冰.
好彩,呢o度上菜速度都快,個餐o黎o左啦,男友先試,佢大讚冷麵好食,淨食唔蘸汁時,就冇味,但夠爽同彈牙,蘸o左汁就強勁好多,因為多o左唔係死鹹o既味道,o岩o岩好.
而小食就係有中華沙律,一隻墨魚仔同螺仔,呢啲冇乜特別啦.而照燒雞扒都係一般貨色啦,由於冇煎過,所以我覺得個皮好漏.
最後,杯臻子咖啡沙冰o黎到,試吓,咖啡味淡啲,甜度增加o左,男友話呢杯唔係飲品而係甜品.
埋單我都唔係幾知幾錢,只知我畀$100.00,找o返一張$20.00同$10.00散銀,我只攞返$27.00.
服務:
攪笑o既係,我o地未飲晒杯沙冰,但預早叫埋單後,個侍應o黎收o野,點知佢收埋我o地兩杯水,另一個行o黎細聲話做咩收埋人o地啲水?之後佢問我o地要唔要水?我答要,佢就畀返兩杯我o地.
不過我知o個個係新人學o緊o野,算吧啦.
我o地食完走人到戲院,都冇遲到,o岩o岩好.
![照燒雞扒冷麵餐 - 荃灣的鈴木珈啡館)]( "照燒雞扒冷麵餐 照燒雞扒冷麵餐")
![照燒雞扒 - 荃灣的鈴木珈啡館)]( "照燒雞扒 照燒雞扒")
![冷麵 - 荃灣的鈴木珈啡館)]( "冷麵 冷麵")
![小食 - 荃灣的鈴木珈啡館)]( "小食 小食")
![冷麵汁 - 荃灣的鈴木珈啡館)]( "冷麵汁 冷麵汁")
![臻子咖啡沙冰 - 荃灣的鈴木珈啡館)]( "臻子咖啡沙冰 臻子咖啡沙冰")
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
