尋晚(18-9-2009 Fri)原本約o左一班朋友出去食預祝我o既生日飯,點知其中一人病o左,所以取消.
咁男友話照出o黎同我食飯.咁好啦,佢決定o黎葵芳搵o野食,我o地o黎到新都會廣場至諗,記得佢話想食蕃茄Pizza,於是走o黎啦,o黎到大概8:00pm左右,2人枱o既只要等多兩張就到我o地,所以我o地都等.點知個女仔叫o左兩張二人枱後,就只畀3-4人,由於等得太耐,男友個女仔幾時到我o地?個女仔又叫3人o既,我講o左一句攪錯呀?佢好似聽到,下一張就即刻畀我o地,我o地係8:26pm至有枱.其實佢o地安排2-4人一齊輪係冇問題,分開寫都冇問題,但應該要睇住到o黎o既時間囉,我見佢有mark低人客攞飛o既時間o架.
我o地坐低後,就搵蕃茄闊條麵pizza,搵到喇,係一個餐o黎,有好多o野食,原價話係$400.00.用匯豐信用咭就$199.00.又係一個假discount例子.
不過唔理啦,就男友叫呢個餐,個餐有:
1. 兩個湯,我o地叫o左蕃茄湯同海皇湯
我先飲海皇湯,有幾隻蝦仁o係裡面,幾爽口,海鮮湯味唔夠濃郁,稱唔上係海皇湯囉.
味道: 2分
到蕃薯湯,係好深色o既羅宋湯,加o左茄膏,味道就一定夠濃啦,呢個冇咩特別.
味道: 3分
3. 唔知咩腸鑼絲粉
原本想揀蕃茄肉丸闊條麵轉鑼絲粉,點知話唔可以轉,但menu上明明寫住可以轉個喎.咁男友就叫呢個啦,呢個唔算大碟,都幾熱,腸就得幾件,呢個都係多蕃茄醬,味道亦係一般啦.
味道: 3分
2. 佛羅倫斯卷伴薯角
明明係前菜,點解會o係鑼絲粉之後到?個卷好似好吸引咁,食落,皮係冇味,裡面原來一邊卷住菠蘿,一邊係芝心批邊o既芝士,咁同佛羅倫斯有咩關係呢?
而薯角屬於正常貨式,唔太鹹,醮啲茄醬食囉.
味道: 3分
4. 等o左好耐好耐,女侍應問我o地個pizza係咪未到?我o地答係,佢就攞過o黎.Pizza係普通批,但食o左咁多o野o既我o地,會覺得食唔晒.Pizza上面舖有車厘茄,亦有闊條麵同乾o左o既茄醬,而其他…..敝,印象中好似冇o野lu喎.而呢個pizza重另外伴上秘製蕃茄Salsa醬
.
我o地食喇,覺得味道唔係幾夠,車厘茄亦然,而普通批o既pizza一向都有咬餅乾o既感覺,不過呢個算好啲啲,男友醮醬食,係凍同辣辣地o既,Salsa醬係咪咁o既呢?
味道: 2.5分
5. 最後係甜品,o衣o家睇返全名,原來係威尼斯甜奶油迷你批
開頭諗住唔會好大件,係似雞批o個類o既酥皮批,點知o黎到,原來係一個細批,冇料o既pizza批底,跟一兜應該係忌廉o既醬.
咁我醮o黎食啦,原來o個兜唔係忌廉,竟然係錬奶,真係好奇特.批底夠熱同脆,咁o既配搭令我記起細個時食過一啲o野好相似,但硬係記唔到係乜.由於我o地被太多麵粉’o質’飽,所以呢個要打包拎返屋企.
味道: 2分
6. 飲品,我叫o左忌廉梳打,男友原本叫百事,但後o黎知道加$5.00就有冰雪奶茶,所以佢改o左.
我問頭點飲品時覺得奇怪,點解忌廉改o左叫忌廉梳打,原來真係溝o左梳打水,o衣o家啲汽水真係咁貴?
而男友o既冰雪奶茶即係冰鎮奶茶,糖漿自己加,我試啲,一樣係茶味唔夠,真係唔明o衣o家沖一杯好o既奶茶真係咁難o既咩?
味道: 2分
綜觀o黎講,我o地呢餐係被唔同花款o既麵粉’o質’飽.
服務:
一大班年輕人,被人感覺經驗唔夠.聽到兩次跌爛o野聲.
o係男友轉飲品時,男友同男侍應講,同一個女侍應order o既,問可唔可以改,個男侍好單純咁搵翻女侍應跟.我心諗,唔一定要叫翻落單o個個跟o架?奇.
當甜品到o黎時,我o地好懷疑係咪甜品,男友問男侍應係咩o黎,佢竟然都唔識答,之後又不了了之.
上菜好慢,唔知係廚房定侍應不足,食呢餐足足坐成個半鐘.
環境:
裝修得好華麗,顯然想畀人高尚感覺,但pizza hut最初o既印象實在太深刻,好難令人改觀喇.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
