尋日(2-8-2009 Sun)同男友落街食早餐,行o黎睇睇,Oo:”咦,君王今朝唔開教會聚會o既?我又想食多士,於是入o黎啦.
今日我叫個$20.00o既庵列餐,自選餡料係鹹牛肉,配牛油多士,田園蔬菜同熱華田.
男友要$22.00o既雪菜肉絲,午餐肉公仔麵,飲凍好立克.
好快,我o地o既餐都到齊,我o野田園蔬菜都只有蕃茄片同青瓜片各兩片,真係少得可憐,而鹹牛肉庵列就脹卜卜咁,外面冇多餘油份,唔錯.等我試一口先,竟然唔好食.我形容唔到咩味,只知真係唔鹹牛肉味,味道好怪.我畀啲男友試,佢食落,係喎,應該因為唔夠鹹.
佢咁講,我就記起呢o度有啲食友話,呢間餐廳注重健康,所以唔多鹽同油,但,真係好難食,我都係夾硬食o左九成.而牛油多士呢,明顯比以前薄o左.
咁我又試男友o既早餐,以為一切都正常,冇乜問題,點知我食啲雪菜肉絲,佢竟然加o左辣椒落去,攪到味道又有啲怪.好地地o既雪菜肉絲麵都要攪成咁.
值得一提o既係,今次服務明顯更殷勤,老闆娘主動幫我o地斟水.平時坐低唔會o架嘛,不過其實我寧願佢唔主動幫我o地斟,因為我o地未必須要飲,到要飲時至自己斟,就唔會夾硬飲或浪費.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
