今朝(15-8-2009 Sat)未食o野就去銀行整o野,整完後諗買咩食做早餐,行經美心,見有好多款麵包,就入去睇睇啦.多到我睇o左好耐.最後決定買同樣係$6.500o既和風咖哩雞包同流沙奶黃包各一.
走去畀錢,價錢竟然係$9.80,我覺得奇怪,收銀話其中一個包半價.啊,原來係咁.
返到屋企先食流沙奶黃包,咬落去,入面空盪盪,餡料唔多,亦唔係流沙.而味道,無論麵包皮同餡都唔甜,唔覺有奶黃味,最後食到一粒粒o既鹹蛋黃,有啲食月餅o既感覺.
味道: 0.5分
至晏晝至食埋和風咖哩雞包,當咬開o左麵包皮後,一陣陣o既咖哩味已經衝出,而餡呢,同流沙奶黃包一樣咁少,食落唔辣亦唔甜,有幾粒雞丁.呢個味道唔夠和風,但都叫做好過流沙奶黃包.
味道: 2.5分
![左:流沙奶黃包各,右:和風咖哩雞包 - 荃灣的美心西餅)]( "左:流沙奶黃包各,右:和風咖哩雞包 左:流沙奶黃包各,右:和風咖哩雞包")
![流沙奶黃包 - 荃灣的美心西餅)]( "流沙奶黃包 流沙奶黃包")
![和風咖哩雞包 - 荃灣的美心西餅)]( "和風咖哩雞包 和風咖哩雞包")
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
