尋日(16-6-2009 Tue)傍晚同男友,大嫂,爸爸上大陸後返港,回程途中,大嫂約o左大哥o黎呢間食晚飯,叫佢攞位先,而二哥都放o左工一齊食飯,咁就六個人o係呢o度食晚飯喇.

由於爸爸唔可以食太多海鮮,所以否決大嫂想叫o既海鮮餐,而女侍應介紹一個好似二百幾蚊o既晚飯三寶餐,有:

1. 百味豉油雞半隻
食到有少少玖瑰花味,唔算太鹹,雞肉唔’鞋’仍滑,冇問題.

2. 原煲螺頭花膠筒煲雞(加$20.00)
因原本係原燉冬瓜盅,但話賣晒,所以我o地改呢個,不過要加錢.
乳白色o既湯又香又熱,清清甜生,材料亦好夠,花膠o既膠質都融入o係湯裡面,重有淮山.一煲湯可分到十幾碗,抵.

3. 清蒸虎斑仔
名副其實係虎斑仔,細細條,蒸得o岩o岩好,魚肉滑,好味.

散叫o既有:
4.蒜蓉粉絲蒸元貝(六隻)
o岩o岩好一人一隻,睇到落o左好多蒜蓉,食落,元貝幾新鮮,且仍有裙邊o係o度,幾老實.但蒜蓉太多好鹹,粉絲量都唔算少.

5.中西芹鴛鴦蚌
我覺得好夠味,唔使蘸蝦醬,呢個餸冇乜問題.

6.格蘭海鮮巢
大嫂講笑試吓呢o度o既雀巢有冇油’益’味.餐牌上寫明係腰果,但o黎到時係夏威夷果仁,好彩全家冇人抗拒夏威夷果仁,其實夏威夷果仁比腰果清,重好食.
呢個餸亦整到一貫水準,冇咩出錯,冇問題.

7. 蒜蓉炒白菜
呢個應該係漏單,因為我o地食完所有o野,落單叫糖水時,女侍應至驚覺冇o黎到.
上枱時嗅到好香蒜蓉味,因為係金蒜,而白菜,我覺得係小棠菜,有啲苦.同埋食得出呢個係用上湯浸熟o左啲菜,瀝乾後酒上金蒜,都冇兜勻.

8.$7.80o既海帶綠豆沙
除o左爸爸要紫米露外,個個都要呢樣,o黎到時至知原來唔係用碗仔裝,而係用一個砵,嚇o左我o地一跳.
呢個唔係太甜,有臭草香,唔太杰又唔太烯,o岩o岩好,OK o既..

加埋四碗白飯,埋單$683.00

服務:
呢晚坐滿客人,個個做到踼晒腳,但侍應間已經盡量溝通,提供較好o既服務,明顯比以前改善.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================