尋晚(20-4-2009 Mon)同男友食完冇o野食o既元氣後,唔多夠喉,於是搵甜品食,食咩好呢?滿記榴槤班(卓戈)?o衣o家唔抵食啦,中式糖水?um…..cheese cake?通街都係,都唔知邊間好食.一於走出朗豪坊出街搵.

一路行,一路睇,咦?!有公和豆腐花喎,um….就呢間啦.我o地坐低後,男友見有新奇o野,$15.00o既杞蓉豆腐花,佢就叫呢個,我要$15.00o既雜果豆腐花啦.

不久,我o既雜果豆腐花到o黎,係罐頭雜果,唉!食落,豆腐花算滑,都有豆味o既,不過我唔鍾意罐頭雜果囉,好失望.
味道: 3.5分(畀豆花o既)

而男友o既呢,亞姐走o黎話冇杞蓉,咁男友就揀另一款棗蓉豆腐花,亞姐落order後,又走o黎話冇.咁男友就揀最基本$12.00o既薑汁豆腐花啦.

o黎到,我又試吓,凍薑汁唔甜,只係辣,好怪呀!男友話應該要食熱,凍o既真係怪怪咁.
味道: 1分

衛生:
可以話好差,我o地開頭入去時,行到最入,睇見打開門o既廚房地下又濕又多白色色一點點o既豆腐渣,好唔開胃,於是行返去中間坐.

然後我o地坐個位,有一隻昆蟲飛o黎飛去,男友已經將佢打死.到佢o個碗薑汁豆腐花o黎到時,又有一隻o係o度飛吓飛吓,佢只撥一吓,隻o野就跌o左落佢碗豆花o度,亞姐就幫佢換過碗.(其實我心諗,應該都只係’畢’走隻o野就算.

環境:
保留舊裝修,硬座冇背木椅,空間都算充足.

服務:
操國語o既亞姐服務冇問題.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================