尋日(26-2-09Thur)約男友o黎呢間食晚餐,我o係晏晝book定枱,可能係book o既時間早,所以重有枱,真好.不過佢話只留10分鐘.

我o地大約6:38pm去到,坐o左最近門口o既一張雙人卡位,好彩早book咋,否則要坐近receptionist o個邊o既雙人枱.

先睇餐牌,款式多到我o地眼花撩亂,諗o左好耐至諗到食咩,一於一個$98.00o既奇尊烤味澳洲牛仔骨扒餐,包湯或凱撒沙律同甜品,由於我好想試心太軟即酒香軟心朱古力蛋糕,見佢做o緊特價,話只加$25.00就可以轉,於是轉o左. 我o地揀o左羅宋湯,主菜要磨菇汁配薯菜.

同一個紅粉佳人特色晚餐,係$158.00o既燒紐西蘭羊扒伴法式焗田螺.要酥皮焗龍蝦湯,主菜要六成熟,伴以蒜蓉汁同配意粉,甜品就要雪糕班(卓戈).

一會,兩個湯一齊先到o黎o黎,侍應都交帶一聲,法包一陣間到同小心龍蝦湯好熱..咁我o地飲湯先,我先試龍蝦湯,好o既龍蝦味,龍蝦肉亦唔少,我都叫飲o左一啖羅宋湯o既男友,飲一口清水後,趁熱先試我呢個,佢飲落都大讚係用o左好多龍蝦殼去煲,而龍蝦肉亦都爽口,好味.

我o地清晒呢個就都試吓我唔飲o既羅宋湯, 羅宋湯相對起o黎係好普通,但我覺得唔難飲,佢唔辣,且幾好味.

飲晒湯後,四片焗過o既法包同牛油,白汁三文魚醬到o黎.我先塗後者,法包皮脆, 三文魚醬滲出淡淡三文魚味,幾好食.

然後,兩個主菜一齊到o黎,我先試冇蘸汁o既意粉,佢已經有味,唔係淡茂茂o既,而田螺就有少少令我失望,唔係幾好食.六成熟o既羊扒就只有細細o既兩件,男友貪新鮮,o係芥辣同薄荷啫喱之間,揀o左後者,但侍應都有問我o地要唔要埋芥辣.我蘸o黎食吓,好清新好好味,佢唔係死涼o個隻,又帶少少甜味,真係好得啊.而羊扒,我係食唔到有羶味,連羊肉味都好似唔覺.而薯茸o既味道有啲唔同,可能落o左唔知咩調味料啦.而伴菜亦一絲不茍,有幾種唔同o既菜.,就連紅蘿蔔絲都炸過,好好味o架.

到牛仔骨扒喇,原來有三件之多,呢個味道亦唔錯,好濃郁.好味.

食完後,侍應都好快收碟,上餐茶同甜品.甜品亦都係一齊到,心太軟唔係好大件,我o地’打開’佢後,我先試裡面o既朱古力漿,味道同平時食o既朱古力味有啲唔同,可能有啲酒o既緣故o掛,再伴啲朱古力蛋糕食,朱古力蛋糕外面脆脆地,好得意.但男友話好甜,好彩有個雪糕球,撈埋o黎食就可以中和返.而我將三樣撈埋一齊食,覺得又真係好食啲.

而雪糕班(卓戈)都冇咩問題.

服務:
落完order後,女侍應即問我o地係咪share o黎食(呢個問題我都係第一次聽到,好得意.)我答係,佢就會o係上主菜時畀定兩隻碟我o地.

佢o地不時會走o黎睇吓客人張枱o黎收o野同勘水,唔錯.

不過有個別一兩個長髮女侍應語氣麻麻,如果改善o左會好prefect.

環境:
開頭少人時覺得幾好,好静同幾有氣氛,但到客滿就覺得太嘈喇,可能因為冇隔音啦.

而冷氣都可能因人多關係而開大o左,凍o左啲,攪到我o地想慢慢据扒都唔得,因為凍晒.

呢餐埋單$310.00.總括o黎講呢間都OK o既,而評分其實係:

味道 4.4分. 服務 4.5分 抵食 3.8分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================