尋晚(23-12-08 Tue)同男友o黎畀o野人,順便我又要買褲,買完褲就搵o野食,呢個商場係有好多o野食,但o岩心水o個兩間西餐廳都冇o左,研究好耐,想食壽司刺身,咁去元氣啦,點知好多人排隊,於是落o黎呢間.
同男友o黎到,見得門口二人位,就同侍應講等另一張.不久都有喇.我o地睇menu又研究好耐,鎖定要套餐,要個好似$80.00o既相撲什錦鍋定食,有白飯,麵豉湯,沙律,咸菜.同飲品,另叫一個好似$28.00o既照燒釀雞翼.
我o地等呀等,等o左好耐,都差唔多半個鐘喇,催催侍應,o岩o岩個照燒釀雞翼到o黎,佢幫我o地check相撲什錦鍋定食,話等多陣,就快到.而我就叫佢畀兩個碗仔的.
照燒釀雞翼我就臭到好大陣燒汁味,雞翼就得三隻,每隻得一半,個定食都到o黎.但我先食雞翼,果然,雞翼就只有好甜o既燒汁味,係有雞軟骨同豬肉o係入面,但我唔多食得出豬肉味囉.但男友竟然話食到有韭菜味.
而相撲什錦鍋唔係好大個,有牛肉,豬丸,雞肉,青口,帶子,獅子狗魚蛋,嗚門卷,甜腐皮,金菇,粉絲,熟蝦,椰菜同生蛋,材料冇問題,都算夠鮮,不過豬肉丸唔知係咪灼耐o左,覺得咬口唔得.而湯就係海鮮湯,淡淡的唔夠濃,食飯加湯係冇味,要加醬油.而因食材都唔多夠味,我就加枱上面o既炸蒜茸,點知都係冇味.
至於沙律,唔係後尾隔離枱客人同佢re-confirm,我都唔知個薯蓉就係沙律,呢個都冇乜問題o既.而麵豉湯就相對地鹹,覺得撈埋鍋湯o度就應該o岩o岩好.
服務:
唯一一樣好o既係識密密斟水.我o地食完o野,餐飲都要催.畀錢等找錢都等好耐.
其他:
覺得侍應連自己公司o既產品都唔熟悉.因隔離枱客原來都叫相撲什錦鍋定食,佢o地呢個就好快攪掂畀佢o地,佢o地睇個鍋,話唔似order o個個,叫侍應o黎,侍應話係,攪錯o左,收返.一會,又捧返轉頭,話係o個個,唔係牛肉鍋o黎.我心諗,唔係o掛,你o地(客人同侍應)連個鍋有咩料都睇唔出.
埋單: $112.20
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
