** 此 食 肆 的 第 三 個 笑 **

尋日(21-7-2008 Mon)臨時約女友人RL出o黎食媽媽病後身一餐同朋友外出o既晚飯,以舒緩一吓,條件係要靜,傾到偈,佢就諗到o黎荃灣廣場,至於食咩?隨緣啦.

7:05pm RL到o黎,我正o係4樓書局裡面睇有關媽媽o既病o既書,我o地行到呢間門前睇睇,見價錢唔貴,食物選擇好似好多,而且裡面冇人,又多卡位,就求祈試吓呢間啦.

Waitress帶我o地到尾三o個張卡位,食物都算幾多選擇,我就叫o左$56.00 o既香檸牛油汁龍脷柳天使麵,要熱炭燒咖啡. RL要$48.00 o既豬軟骨喇沙(唔要辣),飲熱茉香珍珠奶茶.

落完order,waitress走返o黎問我咖啡使唔使要少糖或少奶?我答少啲糖.

不久,我o地o既飲品先到,咖啡好香,影o左相後,我o地就飲吓,我杯咖啡唔苦,滑就一般.RL o既珍珠奶茶有兩隻唔同色o既珍珠,佢一飲就話好甜,我就話點解waitress唔問佢使唔使少啲糖.至於啲珍珠,RL話唔夠煙韌.

又不久,我o地o既主菜o黎喇,waitress會自己拎埋茄汁同芝士粉o黎,影o左相,我畀RL試我o既天使麵,佢話OK.之後佢食佢o既喇沙,話魚片好食,可惜佢唔鍾意食呢款麵,不過話OK.

而我o既天使麵呢,龍脷柳,竟然係炸o既,而且切成三件細細件,又好熱.而使麵我就覺得過腍,香草味濃郁,龍脷柳就over average o既,食完成碟就感受到牛油o既存在,而香草味仍留o係咀裡面,持久不散.

我覺得呢間被想像中好,可能入o黎時冇乜點期望啦.

環境:
好多卡位,又有雜誌任客人攞o黎睇,平日少人時可以坐o係o度好耐,我o地尋晚由7:10pm坐到9:10pm,都只多兩個客人入o黎,好靜.
卡位都坐得舒服.不過枱上原來係唔會有任何調味料.

服務:
冇乜問題,有禮貌.

後記:
RL之前成日o黎呢o度食lunch,佢記得呢o度以前用有offer discount畀佢任職o既公司職員,佢尋晚就re-confirm,高一級o既女職員就答o衣o家冇喇,因為都轉o左手.

埋單$114.00

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================