** 此食肆的第一個笑**
食晒屋企o既燕麥,於是尋日(15-2-2008 Fri)乘機o黎呢o度買餈飯做早餐.o黎到時,有幾個人買o緊o野食,我望吓,冇餈飯o既?於是問問,唔知係咪老闆o既答有,即包畀你.啊,咁要一個餈飯同一杯熱豆漿吖.
於是佢勘一杯細杯o既熱豆漿畀我,問我要唔要糖,我答要,佢就即落砂糖,不過冇為意佢落幾多.一方面佢就叫個亞姐包個餈飯,睇住佢由一個蒸籠裡’o筆’啲糯米飯出o黎,加肉鬆,咸菜粒同迷你油炸鬼,然後’練’實,就問我要唔要豉油,我答要少少.其實我係第一次食餈飯,真係唔知要唔要加. 當我離開時,我至見到原來餈飯$7.00,加細豆漿$1.00,大豆漿$2.00.原來豆漿有分大細o既,下次要買杯大o既.
用o左大約10分鐘行到返公司,擔心唔知會唔會凍晒,但幸好仍熱o既.而且臭到糯米香.打開個袋睇,原來個餈飯都有成13cm長,且漲卜卜的,心諗好彩今日個飯盒唔係好大個啫.食啖飯先,唔….糯米唔夠腍,有啲硬,味道就淡淡o既,心諗好彩話要豉油;食到咸菜粒,唔太咸,o岩o岩好;油炸鬼唔脆,有啲韌.
而豆漿仍然好熱,有豆味但唔濃.不過亦唔甜,可能唔係加好多糖,都OK.
總觀o黎講,呢o度o既o野味道淡淡的,可能想畀人覺得健康啲o掛.
服務:
扣呼好好.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================