** 此食肆的第五個OK **

大哥約前日(19-1-2008 Sat)朝同爸媽o黎呢間我早已列入o左黑名單o既酒家飲茶,如果我唔係有o野要畀大嫂,我都唔會o黎.除o左爸有事唔o黎外,我o係9:20am左右落到o黎,媽,大哥同大嫂都坐o左o係一張四人枱o度,因為呢個時間唔full,所以今次唔駛搭枱都好啲.我o地叫o左:

豉汁蒸釀茄子
好大件,味道普通

特色長春卷
竟然真係好長,重插o係隻膠杯o度添,熱騰騰o既,食落,皮脆,應該只有1-2隻蝦,內裡唔知用o左咩o地填到7,8成滿,不過唔夠味,一定要點喼汁食.但大嫂話點喼汁又過鹹.

煎蘿蔔糕
大嫂讚夠實,冇鬆散到.但我覺得鹹o左啲.

香茜叉燒腸, 金沙千層糕
呢啲不過不失.

蟹子燒賣,明星鮮蝦餃,潮州靚粉果,鳳爪排骨飯,牛肉
我冇食到,應該都係一般o掛.

服務:
打開茶壺蓋好耐都唔斟水,要嗌.到食完晒差唔多走,我o地又冇打開個蓋時,又自己走o黎開蓋斟水,真好o野.

當我o黎到搵人時,傳菜o既亞姐係唔會避你,只有你避佢.

而坐低後佢o地o係我身邊擺啲點心畀我o地時,由於我同家人傾o緊偈,冇為意張枱有冇位畀佢放低(但其實我又唔覺冇位),點知個亞姐一言不發咁移開我個茶碟,但整瀉o左啲茶.此時我只知佢覺得冇位,講真,平時我o地飲茶都會注意夠唔夠位擺而主動移開啲o野,就算茶客唔做呢樣o野都唔係有錯.佢移我o既碟其實係冇問題,問題係佢整瀉o左啲茶就顯示佢根本係唔想郁手,想我自己移開,咁你咪開聲叫我幫幫手囉,唔駛咁大力移o掛. (由佢移開我個碟到佢講唔好意思,我o地一直都冇出過聲亦冇望個佢畀任何面色佢睇)之後佢自己都知有問題而講句唔好意思.

我同我大哥講呢o度啲人好惡個喎,佢話佢都知,但大家都就腳而且經濟所以揀呢o度.

我所講o既keep到水準o既係指服務態度.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================