** 此食肆的第二個笑**
尋日(16-1-2008 Wed)放工落o黎買完生果,想過馬路之際,機緣巧合下停o左o係o度一陣,心諗行去銀龍八吓有咩賣先.嘩!人山人海啊,兩位亞姐忙到團團轉,啲客不斷問椰撻出o左未?亞姐一邊賣o野畀客,一邊好好禮貌咁答未出,真係好好喎.我默不作聲咁慢慢睇,今次睇真佢o地已切開o既瑞士卷,好厚啊.望入去舖頭裡面,有成條o既瑞士卷,可能上次我o黎o既時候賣晒啦.再望吓,有$2.50一個o既芝士牛角酥,好大個o既,點算?想買一條o既瑞士卷,但又貪心想試呢個牛角酥.唔……算啦,要一個牛角酥,一件瑞士卷啦.總共$5.00,而亞姐會問分唔分開袋.
返到屋企食完飯,想試o左件(厚切)瑞士卷先,拎出o黎,我覺得有1吋厚,但我都攞把尺度吓先,有3厘米啊,真係大件,食落,幾鬆軟,忌廉亦唔太厚又夠滑(其實自己好怕食厚厚o既忌廉,尤其是冬天,凍到實一實有啲硬o既忌廉真係好難食)而蛋味淡淡的,成個都幾好食,且墊底o既紙亦唔油.份量適中,呢個真係抵讚呢.
味道: 5分抵食: 5分
另外o個個(加碼)芝士牛角酥留到今朝食.又搵把尺度吓先,長:13厘米,閣:10厘米,高:5厘米,真係好大件.食落,內裡空白一片,冇咩味;就只有面上唔多o既芝士粒.但面就焗得幾好,好味.差唔多食完時,我多手按吓佢,咦,仍有彈性喎,呵呵.食完都唔覺漏,又幾好喎.
味道: 3.8分抵食: 4分
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
