新識o既男友人(化名O)約同男友人EC同女友人CL 尋晚(15-10-2007 Mon)7:30pm o黎呢o度食晚飯.當知道約o黎呢間食晚飯後,就上呢個網搵吓先,唔係睇到下面Culinary Mei o既食評主題,都唔知原來呢間係香辣屋.
我早成半個鐘到,唔算太多人.覺得呢間香辣屋想走高檔路線,格調同元朗洪水橋,屯門o既都截然不同.o係等佢o地o黎o既時候,女侍應不斷sale未正式推出o既特色熱飲,第一次我拒絕o左,第二次都係要o左熱情果薄荷茶,到o黎喇,真係好熱,飲落,微甜帶有些少薄荷o既清涼,但有少少似牙膏味o既感覺.7:30pm CL到o黎,女侍應亦立即向佢sale熱飲.
不久,O都到o黎,EC一早叫o左我o地食住等,於是叫o左個menu冇o既二人餐加一客越式素菜米紙卷.好快,食物一擁而上.
1.煙肉醬配脆米通
塗少少煙肉醬o係米通上,涼涼而微辣o既煙肉醬,覺得唔錯,幾好食.
2.另叫o既越式素菜米紙卷
可能食o左微辣o既米通,覺得呢個清新啲,但米紙卷唔算好薄,口感唔係我想像中o既脆口米紙,只係比粉卷薄少少同冇咁淰,有啲失望.
3.鮮蝦露筍沙律
比煙肉醬辣,接受唔到,覺得食材一般,呢碟由唯一食到辣o既CL清o左.
4.雞清湯配露筍釀蝦膠
我只食o左露筍釀蝦膠冇飲湯,都OK,O話個湯都好掂
5.酸子焗大蝦
兩隻大蝦配上一撮雪白o既飯.大蝦好辣,於是我試啲飯,原來係椰汁糯米飯,微甜o既糯米飯有著淡淡o既椰汁味,配合得唔錯,糯米亦夠淰.
6.炸南乳香茅雞
試o左一件,冇咩特別,食唔出係南乳香茅
8:30pm EC才到來,佢亦都係唔食得辣,所以之前所有辣o既食物,都被CL同O消滅o左,而佢加o左
7.菠蘿炒飯
試o左一啲,OK o既.
8.唔記得咩炒雜菜
呢個好味,好入味,有金菇,冬菇,菜心等等,但有樣似係蛋白o既o野,好滑.
9.蔗蝦
略嫌蝦膠份量唔夠’飽滿’,賣相冇脹卜卜o既感覺,不過都OK o既.
服務:
唔錯o既,不過唔知係咪天氣轉為微涼,佢o地係勘熱水畀客人而非暖或凍.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
