0

自己正日o既生日飯

愛食 於 2007-09-25 00:00:00 發表  |  累積瀏覽 141

分類:

攻略日期:2015-09-15

是次消費:每人平均約HK$ 158.00

安排女性朋友T為我尋晚(24-9-2007 Mon)正日生日慶祝,地點又係我揀,見佢返工咁辛苦,鎖定近大家o既地點-葵芳新都會廣場啦.才6:28pm佢都到來喇,由於唔知食乜好,於是同佢行吓,原來呢o度有好多唔同國家o既食肆.
我帶佢o黎到呢o度,介紹佢知呢o度係半自助晚餐,佢問有咩甜品(因為出面睇唔o度甜品bar)女侍應竟肯讓我o地入去參觀,T覺得OK,於是拍板喇.

我要o左個$158.00 o既法國煎鵝肝牛柳,T要$128.00 o既芝麻燒三文魚日本蕎麥麵.同樣地,我o地先攞頭盤.
今晚係我o既至愛忌廉湯啊,呵呵呵!白白o既忌廉湯內裡有著好多料,不過…我唔知係咩未飲前覺得好杰,但飲落又唔係喎,而且湯係淡淡的,要落多啲胡椒粉.

而凍青口依然係咁OK o既,今次自製凱撒沙律,加o左乾o既火腿條,太硬啊,差啲咬唔到.而有個吞拿魚沙律,吞拿魚都幾多,不過覺得唔係幾好食,怪怪咁.

攞o左兩輪,女侍應就問可以上主菜未?可以,不過我o地都等多一會,T o既芝麻燒三文魚日本蕎麥麵先o黎,大大件三文魚上面舖滿芝麻,唔係誇張,係真係成塊面完全被芝麻蓋晒,蕎麥麵墊o係底.再一會後,我o既法國煎鵝肝牛柳都到o左喇,好香好熱,係剛煎好上枱o個隻,真係好好啊.件牛柳都幾厚吓.

好,開餐喇!我第一時間係食鵝肝先,一叉落去就淰到散開,要將叉當係匙子用,味道,好鵝肝囉,比起四年前o係銅鑼灣某餐廳食好似冇咁好.好彩唔係好大件.而牛柳,OK啊,我點o左碟上o既燒汁o黎食,滋味啲.而伴碟o既青筍,墊底o既薯仔片都OK啊.

T o既三文魚有成吋厚,灰色o既魚油亦唔少,而蕎麥麵都幾多,佢話OK,唔錯.

到甜品了,今次餐廳將芝士餅,fruit tart都放入凍櫃內,幾好啊.我食o左:

焦糖燉蛋,今次趁焦糖未凍晒變硬前食,感覺好啲,不過焦糖真係好焦糖,有啲燶味,燉蛋依然OK.
藍莓芝士餅,栗子芝士餅各一
其實冇咩分別,只係芝士餅上各自舖上同o即o左藍莓同栗子醬.藍莓都幾多,而栗子醬淡淡的唔太漏,只係食埋件餅就滯滯地.
一直熱住o既芝麻糊,我只攞o左小半碗o黎試,都係淡淡的唔太甜,OK.
麵包布甸,雖然見到有麵包邊o係o度,但食落唔係麵包o既口感,甜甜的,軟軟的.但T唔肯試.
最後係雪糕,有四款之多,我食o左士多啤梨,朱古力碎曲奇同雲呢拿,都係朱古力碎曲奇最好食.

覺得呢o度凍水內o既檸檬味稍為多o左啲,淡返小小會適合啲.

服務:
依然有禮,且密密斟水同收o野

環境:
上次提過,由於今次我o地坐得幾入,睇到入面o既function都幾大,容納到30人左右啦,亦適逢房內班後生仔女都係為朋友慶祝生日,好不熱鬧.

星期一o既夜晚呢o度都算多人幫趁.

多謝T呢餐飯同你日本o既手信,好cute啊.


和幸日本燒肉料理 - 葵芳的Relaxing tea house + Fragrant Kitchen)


和幸日本燒肉料理 - 葵芳的Relaxing tea house + Fragrant Kitchen)


============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong


============================================

鐘意SeeWide的分享,給我們一個Like吧!
  • 攻略日期:2015-09-15
    攻略地點:N/A
  • 攻略時間:N/A
    是次消費:每人平均約HK$ 158.00
0人比"掂"

最多能輸入300字

累積瀏覽 352129

全部攻略 2379

全部回應 3