冇揀錯o既生日飯

約o左女性朋友R尋晚(22-9-2007 Sat)食飯,地點我諗,由於佢幾識食,我又見Openrice網頁有呢間餐廳o既$100.00coupon送,於是同佢o黎試.之前book o左7點,點知R記錯地點而遲到,我7:20pm行到樓下等R,期間,佢o地有個職員架起一個promote o既架時,佢都有向我講唔好意思,一會後,我見佢咁有禮貌,於是同佢講我book o左7點,請問你o地張枱會hold幾耐,佢話冇o架,不過今日係星期六,都盡量唔好太遲啦.佢o既態度令我覺得更唔好意思.7:30pm R終於到o黎喇,我o地上到去,出面只有一張枱o既客人.入坐後,我o地先將coupon交畀waiter.Waiter奉上多個餐牌並一一詳細解釋.

由於唔想食得太飽,於是唔叫有齊頭盤,餐湯,主菜,餐飲同甜品o既full course,就叫o左兩個比full course少o左頭盤或餐湯o既set dinner,朋友要辣味海蝦意粉配秘製番茄醬,我要香煎鱈魚柳配檸檬牛油汁.本來想另叫好似$60.00 o既香煎頂級鵝肝,但R唔食鵝肝,於是冇叫,不過佢發現好似係$78.00 o既白酒煮青口,於是都叫o左.

先o黎共有三款o既麵包,有三件蒜蓉包,兩個我又係唔知咩o既包,R cut開一半share,包係暖暖的,包面好夠脆,攪到我o地失晒儀態整到成張枱都係麵包碎,而軟硬亦適中,配上兩撮仔牛油唧成o既牛油花,只覺牛油唔夠.

頭盤o黎喇,有齊menu上o個四款,有:凱撒沙律伴煙雞,烤焗芝士釀紅甜椒,帕爾瑪火腿密瓜,龍蝦沙律.其實除凱撒沙律伴煙雞係一個細碗盛著外,其他o既都係一小撮,不過都冇問題,o岩晒我o地啲想食多種o野但唔食得多o既人.

先食一撮唔知咩o黎,覺得有少少辣同鹹,味道唔太討好,o衣o家至知原來係烤焗芝士釀紅甜椒.(因為我將menu影低)

龍蝦沙律,賣相似炸軟穀蟹喎,食落,鹹鹹地o既.

帕爾瑪火腿密瓜,短短o既火腿舖o係密瓜球上,火腿清淡唔油膩,幾好,密瓜球唔太甜.

最後食凱撒沙律伴煙雞,面上有兩件雞片,都OK o既,沙律就一般,令我冇咩印象.

之後,白酒煮青口送到,大大碟有好多青口o架,而且唔係平時食o既普通藍青口,食落覺得好滑,可惜第一隻有沙,之後有幾隻有渣,R話呢啲係北歐貨,其實幾抵.(我真係冇同錯人o黎食)

食完,o黎o左一個用玻璃杯盛載o既一小撮o既鮮果雪芭,今晚係檸檬味,好夠凍,呢個真係要逐少逐少同慢慢食,因為…大啖o左就覺得酸o左啲同太凍了.逐少食就o岩o岩好同滋味.

好,主菜終於o黎到喇,R o既辣味海蝦意粉配秘製番茄醬,大大碟o既紅色意粉,有好多蝦,佢話唔係好辣,幾好味,好飽.

而我o既香煎鱈魚柳配檸檬牛油汁,都好好味,鹹淡亦適中,好味.

最後餐飲同mini dessert platter(如圖)亦送到,侍應向我介紹有咩甜品,可惜…我唔記得lu.

最右邊o既係芝士方塊: 唔太鹹,OK.

右一o既係朱古力蛋糕: 其實係一件蛋糕仔面上舖上朱古力漿,覺得蛋糕味道一般.

左二係忌廉泡芙: 入面o既檸檬味忌廉唔太多,有著微酸o既味道,都OK o既,而泡芙變得厚身o左,感覺一般.

最左邊o既係朱古力mousse : 上面o既糖塊好甜,應該係焦糖,mousse甜渡適中,如果面上o既朱古力漿少啲就會o岩o岩好.一向唔好甜品o既R亦大讚呢個唔錯.

埋單應該係$466.40,但有$100.00coupon,所以係$366.40.R話呢o度真係唔錯同好抵,會再o黎,好彩我都冇揀錯地方啫.

環境:
本應一上到去,餐廳好靜好浪漫,講o野都要細細聲,但大約8:05pm,一行約20人o既客人到來,令氣氛來個180度轉變,變得好嘈吵,幸好我o地唔係情侶.不過係坐得舒適o既.

服務:
好好,好有禮貌同耐心解答問題.

衛生:
值得一提o既係waiter o係上餐飲同dessert前,會用支鉛子筆,將枱上o既麵包碎掃到佢另一手上放o左餐巾o既碟,而非就咁掃落地,幾好.
(澄清: 其實每枱客都會食到張枱有麵包碎o架)

註:埋單時都有食dinner $100.00 coupon同lunch buy 3 get 1 free coupon送.佢o地亦有以一晚$3,500.00可容納30人o既只包飲品o既Karaoke房出租,且時間亦不限(不過都係最好問清楚先),咁都幾OK喎.

Web-site:www.dap.com.hk

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================