尋晚(30-6-2007 Sat)做完義工,約o左班o係另一邊做義工o既朋友o黎呢o度唱K兼食飯.一行9人(又係’9’)
自助餐o既area好細,但頻頻換或添加食物o既,咁睇就係有好多款食物,不過睇你撞唔撞o岩手神同好唔好食o個樣囉.我就黑女啲,只撞到o岩o岩refill壽司,手卷.全晚我試o左蟶子,叉燒粗麵,炒公仔麵,唔知係咪炸蝦餅,蒜蓉白菜仔,薄切牛肉,腸仔等.以上我試o既食物只有蒜蓉白菜仔同薄切牛肉冇差錯外,其他都唔掂.三文魚壽司,三文魚片好薄,冇咩味,其他就味道太濃,叉燒粗麵可以甜到連粗麵都甜埋@@”;蟶子,炒公仔麵,炸蝦餅都係辣o既.腸仔裡面有粟米,我覺得唔係咁夾.男性朋友C試o左個唔知咩湯,佢話係開粉,唔好飲.其他朋友好好彩,有意大利雲吞,三文魚刺身,不過佢o地太忙,冇問佢o地好唔好食.
服務好好,不論senior定junior都有禮貌唔錯.
唔好意思,雖然服務好,但o野食真係唔掂,唯有畀個喊面你.下次努力啦
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
