尋晚(17-7-2007 Tue)同女性朋友L睇戲前o既晚飯,不過加多個男性朋友J一齊食.
原本L話食肯德基,但由於我早到,又經過波濤,睇o左餐牌,我睇中o左$65.00 o既泰式燒雞扖伴素鮑魚薯仔沙律.於是匯合佢o地,商量o左改o黎呢o度食喇.(其實一年前同女性朋友R o黎過唔知食lunch定tea,o個時印象一般)
6:25pm左右到來,唔係好多客人,侍應亦上前歡迎及禮貌週週地畀我o地揀位,.我當然係點我早已揀定o既餐喇,我叫J食啲小食同我o地傾偈,於是叫o左個白酒煮蜆(落完order至知原來係叫個餐加$15.00o既小食,都幾抵吖.)L又同上次一樣,跟我叫同一個餐,湯亦一樣. =.=”
我o地飲甘筍忌廉湯,好濃,覺得鹹o左少少,不過可以接受.有一細杯仔沙律,內裡有兩隻蝦,清清o地,都OK.
J o既煮蜆o黎o左喇,好多忌廉汁,我試o左一粒,唔熱o既,個人覺得忌廉味適中,又唔太稀,不過J食完成碟硯都話冇白酒味,係咪蒸發晒呢?
我o地o既主菜o黎喇,賣相好靚(可惜冇帶相機出o黎,不過大致上同下面哨牙珍show出o黎冇咩分別),雞扖亦已切好,真細心,而我都嗅到好香,素飽片都有5-6塊,沙律亦是一大堆的.此時奇怪,頭先唔係已經有沙律lu咩?睇返餐牌,啊,原來頭先o個個係蝦仔沙律.好喇,開餐!
先食素鮑魚片,好食啊,好似真鮑,有啲鮑魚味.
燒雞,都係有提子乾o係上面,食落少少辣同甜,原來有啲泰式酸辣汁o係上面,皮亦好香脆.之後發現有四份一個檸檬o係o度,於是o即檸汁上去,咁就中和o左啲辣味,幾好食.
如相中一樣,沙律面有同側邊都有好多生鮮生果,沙律入面就係好淋o既薯仔同雜果,都OK o既.
不過我o既餐飲凍檸水就麻麻,唔夠冰,攪到杯飲品係暖o既.
最後我o地食唔晒啲沙律.
1.有隻小昆蟲飛o黎飛去.
2.好似較高級o既唔知係咪經理,態度反而唔及啲細o既,埋單時係佢拎張單o黎,佢只係掉低就行o左去,唔係幾掂.服務本應可以攞滿分,但因為咁就扣一分.
但綜觀呢o度都唔錯,下次有機會會再o黎
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
