尋日(19-6-2007 Tue)行完街諗食乜,就試吓呢間啦.時間尚早,才6:45pm左右,入到去,只有兩枱客,我o地坐o係由最入面數出o黎第三張二人枱,都好闊落.睇吓menu,果然係專做印度菜,林林總總o既菜色,令我同我同朋友W花多眼亂,且放棄慣常會叫o既set dinner,揀o左下列對我o地o黎講新奇o既菜色:
1.$20.00青瓜乳酪
白色,算係凋零o既乳酪裡面有青瓜絲,微酸o既乳酪當然發揮o左開胃o既作用.
2.$58.00串燒五香雞件
用鐵板上,不過唔駛'贊'汁,所以唔會激烈.一客六件橙紅色o既雞件,食落,似有少少羶味,少少甜.印度o既五香唔等於我o地平時食慣o既五香牛肉麵o個種五香.而雞件有啲'鞋'有啲又滑.
3.$68.00西檸蜜汁燴蝦球
白色o既汁裡面浮沉o左好多蝦球,有甜味但冇咩西檸味.不過有四份一個檸檬o係入面.蝦夠爽o既.
4.$38.00燒香草茄子
一pat pat蓉咁,我食一啖,甜o既,係蕃薯o既甜味,我同朋友懷疑有冇落錯單,於是問個waitress,佢話冇錯啊,係燒香草茄子.啊,咁算啦.食食吓,又有啲辣辣地o既?可能之後我攪匀佢(其實係想搵茄子)引致啦.
5.$15.00薄荷烤餅
似係鬆油餅咁,一層層o既,有啲綠色o既碎啦,不過食落冇薄荷味o既,又油膩.
6.$28.00印度雪糕X2
原本想試埋鮮奶綿花球,不過冇.等o左都幾耐吓,終於到喇.呢個雪糕就經典囉,完全唔係我o地平時食o既雪糕,佢係黃色一個個約2cm o既正立方體,咬落去唔係軟,反而係好似細個時自己貪玩做o既雪糕咁,有啲變o左冰花o係裡面咁.味道.....食唔出啊,似有薑汁同咖哩味o掛,真係想問問個老闆係咩味.
o係order完食物後,會先免費送一客普通冇餡料o既薄餅跟兩個醬汁,一個係青色,唔識形容,微辣.另一個係橙紅色,少少酸甜咁,但有別於咕嚕肉o個種汁.(o衣o家睇返之前o既食評至知原來係香草汁同酸甜汁)而可惜o既係薄餅唔脆.
欣賞呢o度o既食物唔會有太多無謂o既伴菜同裝飾,其實咁重好,因為其實份量已經唔算多,且唔平,否則有被雙重搵笨之嫌.
衛生:
中途發現有隻中小size o既小強o係牆上向下行,朋友W用枱布'引導'佢向後走.
服務:
兩個waitress幾靚女,不過唔識聽,講中文,一定要用英文,佢o地o既服務亦好好.即使聽唔明我o地因為拎住兩袋o野要求一張椅擺o野,佢o地都會理解而畀o左張圓o既膠椅我o地.而且好有禮貌.
最驚喜o既係當我o地confirm完佢第4樣菜之後,有個男人走o黎有禮貌咁問我o地有咩問題?我話冇,覺得好甜,佢話佢拎入去煮過,我話唔駛唔駛,OK,冇問題,以為呢個係另一個菜－孟買薯仔,因為似係蕃薯o既甜味,但當中我太緊張喇,講o左tomato,佢就一頭暮水咁.不過佢就返o黎幫我o地加水..........o係我o地o既水杯o度.
從而睇到佢o地都好重視客人對食物o既評價,而且佢o地都幾鍾意同客人傾偈,好親切.可惜o既係,佢o地o既菜唔多o岩我o地口味,所以再o黎o既次數應該唔多.但我o地走o既時候餐廳都有80%客滿.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
