好耐冇o黎呢o度食越南o野喇,今晚23/5/2007特登帶雙親o黎試.因為怕人多擠迫所以6:45已經到o左,呢個時候當然唔係人多,所以坐得比較舒服.我叫o左1.勳蹄紥肉飯2.鹹魚炒芥蘭3.雞肉豬肉串燒4.濱海春卷及5.香茅豬扖湯懞.今次叫o左啲以前冇食過o既o野.
1.碟飯冇汁,有三片紥肉,四片勳蹄,有好多蔥.應該係諗住要o黎送飯o掛.第一次食越式勳蹄,感覺唔似中式咁鬆,好實,我覺得一般.
2.可能芥蘭已經唔係當糙,有少少苦.
3.有好多沙嗲汁,唔辣,o岩晒我o地三個.
4.好熱好脆,應該o岩o岩炸起上碟.
5.我自己就幾鍾意香茅呢樣調味料,亦因好耐冇食,所以一定要叫呢樣.但可惜,竟然真係冇香茅味,而塊豬扖都切到好薄.失敗.
當食到七七八八時,見我媽好似唔夠咁,於是就加單,加o左粉卷同咖哩炒河,吩咐o左唔好太辣.等o左一陣,都上埋喇,嘩!好大碟咖哩炒河啊,因為見之前碟飯唔係太大碟,諗住炒河都唔會好大碟啦,點知.....後悔添.
個粉卷係即叫即蒸,所以好熱,不過食落冇乜味,所以加少少魚露.
而炒河我係咁二試o左兩撮,果然有應顧客要求,整到唔辣抵讚.最後,我o地當然將佢打包拎走.
食方面,佢o地咁多年來都冇乜新菜式,不過唔緊要,最緊要keep住水準,但我覺得好似有少少退步,希望佢o地會回復返啦,努力.
服務上,呢間唔覺有咩問題,唔知佢o地係咪都有上o黎睇呢,因為我order鹹魚炒芥蘭時,個waitress即同提我話28蚊同埋我加單時都問一問可唔可以加單,佢o地都冇講咩o野(因為之前睇o左有人o係路德圍分店o個邊寫o左關於呢兩樣唔開心o既經歷)咁我覺得佢o地有重視人客同自救,起碼肯改善.而且呢o度上菜都好快,而且樣樣都好熱.
今次埋單$162.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
