間唔中o既星期日o黎呢間酒樓飲早茶,多數係兩個人,次次o黎親啲服務始終如一咁差,今日終於忍唔住,要上o黎講講喇.
一.想做多啲生意係無可口非,但就明明有成張吉枱都要人搭枱,兩個人食得幾耐?而且o個時都冇乜人.(星期日朝早九點半)今日就更過份,佢o地啲位不嬲都好迫夾,我o地上到去,o岩o岩有張靠玻璃窗o既四人吉枱,但未執好o野o既,我o地想走入去坐,此時,一個朿短髮o既女經理走o黎問我o地幾多個,我答兩個,佢就叫我o地行入啲,有執好位o既枱,咁我o地行入去,根本就冇吉枱,全部都係要搭枱o既.我o地行o左去一個好迫o既位,不過被我發現有'比較'闊啲o既走廊位,於是走去o個o度.中途,叫我o地行入去o既經理由另一張o係房入面o既枱帶一個抱住約一歲大小朋友o既女熟客去我o地先前想坐o既吉枱,重話呢o度坐得舒服啲.我見到個客係開四個人位,但人未到齊.心諗K,佢四個人,但佢本身已經o係入面有位,個女經理都重要帶佢出o黎.到最後,我o地食完(只45分鐘時間)走,佢o地都未齊人.
二.呢o度係填點心紙o既,之前試過漏單,都算,可以等.但今次就入錯另一樣o野. 事緣有三個點心同時到來,我即時向傳菜講我冇叫呢樣,佢應我得得得,又話唔係全部都係你o既,咁我放心.但都睇實佢蓋幾多個印,佢真係照蓋三個印,我即時再同佢講,佢問係咩?我話頭先已同你講,你就應我得得得,佢竟然答我聽唔到.(o衣o家諗:聽唔到?咁早知我同你講你欠我錢啦,睇你係咪答我係係係?)即係佢頭先只係敷衍我.於是佢搵人取消o個個點心.(如果唔係先前個女經理咁衰,你要我要o左呢個點心我係冇問題)
講返食物水準,一啲啲好啦.叉燒餐包入面o既叉燒好少,簡直少得可憐,餡料大概只有一個五蚊銀大o既面積,至多一厘米厚啦,面o既蜜糖範圍亦唔大.
鳳爪排骨飯越o黎越宿骨,以前有幾粒荷蘭豆或一,兩條菜心,o衣o家就冇lu,排骨亦唔夠多.
而蒸蘿蔔糕都OK啦,真係有蘿蔔絲o係入面,亦好香蘿蔔味.
總之,如非有o野順便要落荃灣整都唔會去幫襯.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
