![M3 Italian的相片 - 沙田)]()
今早去沙田圍探朋友, 友人住愉城苑, 位於沙角村的旁邊, 愉城苑是最早期的居屋, 與現在的居屋不同之處, 就是不需要補地價便可以在市場自由賣買. 朋友是最早期抽籤買入, 實用面積大約五百呎, 當時售價20萬左右, 依家放緊盤, 賣500萬.... 佢話: 成交後, 請我去 Four Seasons 食飯..... 我尚未開口 講句"多謝"之時, 他繼續補多一句: 我唔會待薄你既...你最鐘意廟街果間 Four Seasons Pot Rice (四季煲仔飯)吖麻 .......
![M3 Italian的相片 - 沙田)]()
上主人家屋企吹完水, 落樓下睇吓地產公司, 便到附近西餐廳食午餐, 友人話, 如果中餐飯堂是是沙角村大排檔, 那麼, 西餐飯堂必選這間.... 我心諗: 飯堂...? 你兩公婆又係"無飯夫妻"...?!
![M3 Italian的相片 - 沙田)]()
門口放了寫著當日的午餐精選, 打量一下, 寫手應該無把木板放平來寫, 因為通常打棟寫, 才會一路寫 一路向右斜..... 哈哈..., A至I 共9項. 價格由四十幾至七十幾不等.
![M3 Italian的相片 - 沙田)]()
我們中午十二時來到, 餐廳仍未算十分繁忙, 只坐了半滿, 看見隔離檯的兩父子(估咋, 唔肯定架...)的pizza 好正, 底餅薄, 是我最愛的款式, 但因今晚又是約了朋友食薄餅, 都係忍忍口先.
![M3 Italian的相片 - 沙田)]()
店員放低了餐牌, 我也不花時間看了, 牛扒吧....
![M3 Italian的相片 - 沙田)]()
麵包烘過, 算有誠意, 皮脆內軟, 無附上牛油, 但看到麵包內有一點點的香草, 但味道不算強烈, 未知是否屬自家製麵包?
![M3 Italian的相片 - 沙田)]()
是日餐湯: 南瓜湯, 灑了些香草在表面, 幾滴橄欖油點綴, 入口, 輕輕的甜味, 微微的奶油口感, 有南瓜香.
![M3 Italian的相片 - 沙田)]()
水牛芝士沙律, 新鮮瓜菜, Z型狀地淋上黑醋汁, 賣相了得, 而Mozzarella配蕃茄, 是常識吧... 瓜類增加脆口感覺, 中酸度而微甜的黑醋, 入口清新而開胃.
![M3 Italian的相片 - 沙田)]()
澳洲西冷扒[紅燒汁] 配薯菜 ($74). 單看賣相, 八十分以上, 熱熱的瓦碟, 好大隻, 四方型, 有氣勢, 牛扒放在中央位置, 伴以法嫩綠的邊豆和金黃色著蓉, 閃麗的啡色紅燒醬汁, 配搭得甚美觀.
![M3 Italian的相片 - 沙田)]()
我在牛扒的中間偏左位置, 打橫一刀切下, 中間肉質呈粉紅顏色, 界乎 medium 與 medium well 的熟度, 入口細緻嫩滑, 牛味香濃, 我要芥辣...唔該...
![M3 Italian的相片 - 沙田)]()
友人的香煎豬柳[紅燒汁] 配薯菜 ($72), 同樣是巨型方碟, 兩件豬柳放中間, 伴以忌廉汁煮成的菠菜.
![M3 Italian的相片 - 沙田)]()
循例切出來影幅相, 今次是豬肉, 不要粉紅色吧...哈哈.. 煎得外表香口, 友人切了一大片給我, 口感嫩滑中帶豬肉的纎維口感, 仍有些微肉汁.
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
8
友人飯堂
M3 Italian
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)