黃埔三期, 之前都有一間酒家, 應該係”紫荊火鍋”, 一樣有午市飲茶, 從未見過要等位, 晚市更差, 基本上只有四成坐滿, 假期入座率好一點, 也都只是六成坐滿. 而這間新開酒家, 已兩個月, 午市飲茶要排隊, 照理水準應該唔差吧.
![康和閣酒家的相片 - 紅磡)]()
蝦餃, 中型, 大少不是問題, 最緊要好食. 皮薄, 透明度高, 內裡蝦仁餡未算出眾, 但也不差, 我給70分.
![康和閣酒家的相片 - 紅磡)]()
叉燒包, 雖然賣相唔得, 又細隻, 但入口軟熟, 內餡超熱, 叉燒瘦多肥少, 醬汁適中, 滿意.
![康和閣酒家的相片 - 紅磡)]()
四川口水雞, 用了我最不喜歡的杰杰醬汁, 而不是四川麻辣紅油汁. 但辣度夠, 麻味也不差, 雞皮唔厚, 皮肉間還有透明啫喱, 水準好, 收貨啦.
![康和閣酒家的相片 - 紅磡)]()
紅豆椰汁糕, 寫明係用”十勝紅豆”, 係未?? 真係天知地知佢知, 我就梗係唔知啦, 哈哈… 味道少甜, 入口軟滑, 沒有一粒粒的紅豆, 應該都被磨碎了, 有微微的粉粉口感, 好味.
![康和閣酒家的相片 - 紅磡)]()
餐紙上寫著”梅子排骨鳳爪飯”, 上檯時, 變咗”豉汁排骨鳳爪飯” (唔知點解要寫”排骨鳳爪”, 而唔係”鳳爪排骨”, 有些少挭耳, 哈哈..), 鳳爪無爛, 排骨中等, 肥肉略多. 但飯身夠乾, 粒粒唔痴底, 唔淋, 好滿意(只係飯物)
![康和閣酒家的相片 - 紅磡)]()
酸甜鮮蝦脆雲吞, 真係如其名, 好夠脆, 醬汁好酸, 又好甜, 材料呢? 好少蝦…哈哈, 都好味…
![康和閣酒家的相片 - 紅磡)]()
坐近另一邊的門口, 頭頂的出風口, 所出的風就夠大了, 可惜不是太凍的冷氣.
![康和閣酒家的相片 - 紅磡)]()
打開茶壺蓋, 20分鐘才有人為你加水….. 如果服務水準以”打開茶壺蓋, 等加水”的時間來判斷服務水平, 則這新店的服務是….哈哈… . 斟茶…
![康和閣酒家的相片 - 紅磡)]()
質素唔差, 開業頭幾個月, 十分旺場, 未知能否持久, 兩星期後再來試一試, 應該知一二了. 還有… 我與友人講: 牙籤套內只有一枝牙籤, 唔好咁姑寒得唔得!?, 橫掂都係入貨, 可否入有兩枝既款色呀??…友人眼直直地回應: “你呢條友真係麻Q煩!!”..…哈哈..…我真係幾麻Q煩架...
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
