之前去過紅磡明安街分店, 服務差到…好難形容, 不過..香港人, 唔怕你態度差, 只要好食, 一樣排住嚟幫襯, 你睇澳洲牛奶公司就係樣板, 香港人, 如我…就係犯賤囉, 個日無被人鬧過周身唔安樂, 今日, 我又要搵地方被人鬧吓喇, 啊哈, 試下呢間分店有無得比人鬧先.
特餐, $32, 蜜汁义燒通粉, 嫩滑炒蛋, 牛油多士, 凍飲加$3.
炒蛋, 真係炒得非常合心水, 唔係太生個種, 但又十分滑口, 味香, 一流. 多士, 夠熱, 除了近外皮部份, 未烘得足夠外, 中間部份, 比澳洲牛奶公司更好.
蜜汁义燒通粉, 一點也不覺得有蜜味, 义燒肉硬, 最差係通粉, 一眼望去, 已知太淋, 少少發脹了, 加了很多”無味”的”糊椒粉”, 肯定係平價嘢, 完全無味道.
服務水準, 好過明安街好多, 可能”士頭婆”唔係到. 由於”士頭婆”唔係到, 從而提高了服務水平, 可喜也. 另外, 也發現了一位店員, 樣貌形格好似”Nel Nel", 之前係”跑台山”某間餐廳都見過佢, 好攪笑. 吓! 唔知邊個係”Nel Nel”?!?! 米就係張學友個細佬張學潤囉…. 講笑唶, 自己上網查吓啦…
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================