做人要有口德, 比"OK"啦

位於黃埔的店, 已經有好多年無去, 常去的是佐敦吳松街聖地牙哥酒店地下的店, 下午茶和午餐都十分超值, 近幾個月又去過此店在佐敦西貢街的分店, 但不同名稱”Oak Tree Ristorante”, 數質素, 黃埔店真係排最尾.

紅酒, 不知名, $28, 咁既值錢, 質素當然…. 放心吧…會原諒你的.

黑松露野菌意大利飯, 散叫, $98, 顏色白白的一碟, 賣相好否...見仁見智. 當然, 我不會傻到以為真有Black Truffle, 大家都明白, 是黑松露Sauce. 我更唔會係港式西餐廳討論”意大利飯”到底有幾正宗. 但最無誠意係, 所謂的野菌, 三數小片, 入口, 就算唔係罐頭貨色, 都係淡淡無味的雞脾菇.

扒帶子肉眼扒, $178, 屬套餐, 法式龍蝦湯, 有龍蝦味, 但太鹹.

沙律菜, 牛扒, 薯條, 還有那十分細少的”扒帶子”, 全放在一隻碟上. 帶子, 大家看到牛扒上的白色物體就是了, 至於大與小, 可能是主觀的, 留給大家評估吧. 薯條是即炸的, 口感與味道皆好, 但十分可惜, 一半浸在碟內的醬汁內, 而醬汁又溝了一點沙律菜用的酸汁, 濕濕的”即炸薯條”, 真係開始有些少頭暈. 重點, 當然係牛扒, 要七成熟左右, 但來的是九成半以上熟. 肉質是我最憎的醃製貨色, 醃製程度, 只比大家樂的好些少. 生平最憎就係醃到軟膠狀的牛扒, 我寧可揀超韌, 起碼有口感, 最多用刀切細片些入口.

芝士蛋糕, 套餐包埋, 比一般的細件, 大約一半左右, 水準最好, 口感豐富, 味道濃厚.

咖啡, 比一般的淡, 但都是水準之內, 可惜太夜, 怕難入睡, 只飲了四分一.

服務水準頗滿意, 尤其是非港人的女侍應, 笑容與對答都有九十分, 反而另一位廣東話女侍應, 雖然說話有禮, 但臉部表情有些少呆板, 好似我老闆對我訓話一樣.

都重未算你衰到貼地, 做人也需要留一線, 有口德, 比"OK"啦...

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================